Tiri bolsam, qazaqqa qyzmet etpeı qoımaımyn!

Álıhan Bókeıhan

Býcha qyrǵynynan keıin Eýropa odaǵy Reseıge jańa sanksıa salýǵa daıyndalyp jatyr

05 sáýir 2022 89
[ad_1]



Býcha qalasyndaǵy beıbit adamdar qyrǵyny týraly habarlardan keıin Eýropa odaǵy Reseıge sanksıany ústeı túsýge daıyndalyp jatyr. Eýropa keńesi Býcha qyrǵynyna jaýapkershilikti Reseıge júktese, Fransıa prezıdenti Emmanýel Makron Eýropa odaǵyn Reseı gazy men kómirin satyp alýdy tolyq toqtatýǵa shaqyrdy.

Eýropa odaǵynyń joǵary saıası organy Eýropa keńesiniń málimdemesinde Ýkraınanyń Reseı áskeri basyp alǵan jerindegi jappaı qyrǵyn Eýropa tarıhynda máńgi qalatyny aıtylǵan. Mátinde "Reseı bul qylmysy úshin jaýap beredi" dep kórsetilgen.

Máskeý ózin kináli sezinbeıdi, Býcha qyrǵynyn Ýkraına bıligin aradandatý úshin ádeıi jasaǵan dep sanaıdy. Jeksenbi kúni Máskeý Býchadaǵy jaǵdaıdy talqylaý úshin Birikken ulttar uıymy Qaýipsizdik keńesiniń tótenshe otyrysyn ótkizýdi suraǵan bolatyn. Alaıda oǵan keńes tóraǵasy Ulybrıtanıa veto qoıǵan.

Reseı tergeý komıtetiniń basshysy Aleksandr Bastrykın Bas tergeý basqarmasyna Býchadaǵy beıbit adamdar ólimi týraly habarlardy saraptap, ol týraly taraǵan aqparattardyń Qylmystyq kodekstiń "Reseı áskeri týraly jalǵan aqparat taratý" týraly babyna qanshalyqty saı keletinin tekserýdi tapsyrǵan. Reseı áskeri Ýkrıanaǵa basyp kirgennen keıin Memlekettik dýma Reseı Qylmystyq kodeksine shuǵyl túrde osyndaı bap engizgen bolatyn.



[ad_2]

Derekkóz
Bul maqala týraly ne oılaısyz?