Bishkekte,13 mamyr kúniniń keshinde, shaǵyn qonaq úıde aıaldaýshylardyń arasyndaǵy tóbelesten bastalǵan shıelenis shıryǵyp, jaǵdaıdyń sońy jappaı tártipsizdikpen túıindeldi, dep habarlaıdy Alash.KZ ulttyq portaly.
Sverdlov aýdandyq ishki ister basqarmasynyń málimetinshe, Býdónnyı kóshesinde ornalasqan hostel mańynda jappaı tóbeles bolǵan. Aımaqta kóbinde sheteldikter turatyny habarlandy. Tóbeleske qatysqandar arasynda úsh sheteldik bar.
KAZINFORM taratqan aqparatqa sensek, sheteldikter jergilikti turǵyndardy uryp-soqqan.
Olarǵa Qyrǵyz Respýblıkasy Qylmystyq kodeksiniń 280-baby 2-bóligi 1-tarmaǵy boıynsha qylmystyq is qozǵaldy. Kúdiktiler qazir Bishkek polısıasynyń ızolátorynda qamaýda otyr.
Degenmen 17 mamyr keshke qaraı hosteldiń janyna álgi sheteldikterden «kek alyp, sazaıyn berýge» keı málimet boıynsha 300-ge jýyq jas jınalǵan.
Tez arada álgi úsh sheteldik vıdeo arqyly qyrǵyz halqynan keshirim surady.
Qazir sý atqyshy bar ishki áskerler 7 sáýir-SHý kósheleriniń qıylysynda tur. Olar 7 sáýir kóshesin soltústik baǵytta qorshaýǵa alǵan.
Olardyń ońtústik tusyna sol saǵattyń ózinde 1000-ǵa jýyq adam jınaldy.
Polısıa tosqaýyl qoıyp, tártipsizdiktiń aldyn alyp jatyr.
Qorshaýdy buzýǵa umtylǵandardy ustaýda. Qazirge deıin 10 shaqty adamdy ustap áketken.
