Tiri bolsam, qazaqqa qyzmet etpeı qoımaımyn!

Álıhan Bókeıhan

Sharshy metrge 400 myńnan berilsin: Qulsary halqy qatty ashýly kúıde mıtıńke shyqty

16 mamyr 2024 323

Sý tasqynynan zardap shekken Qulsary halqy mıtıńke shyqty, dep habarlaıdy Alash.kz.

 
Jelilerde Qulsary qalasy halqynyń yzaly kúıde mıtıńke shyqqan vıdeolary tarady. Olardyń barlyǵynyń úıi sýǵa ketken. 

“Biz saýatsyz emespiz. Qanaǵat qylyp 400 myńnan eseptep otyrmyz. Sonyń isine saraıy da, qorasy da kiredi,” - dep óz talaptaryn jetkizdi.  

Halyq óz shyǵynynyń orta esebin 400 myńnan baǵalap otyr.

“Sýǵa ketirdińder me? Boqqa batyrdyńdar ma? Endi baratyn jerimiz joq. Qandaı úı bolsyn, keshe kirgen bolsyn, 50 jyldyq úı  bolsyn. Nalog tólep turdy ǵoı” - deıdi Qulsarylyq azamat.  

Jylyoı aýdanynda sý basqan 2 920 úıdiń 2 906-nan sý ketken. Búgingi tańda 2 667 turǵyn úı-jaı tehnıkalyq baǵytta tekserilip, 2 622 turǵyn úıge baǵalaý júrgizilgen. Barlyǵy 3 myńǵa jýyq ótinish túsken.

– Sonymen qatar, múlkine zalal keltirilgen 289 kásipkermen zalaldy óteý boıynsha konsýltasıalar ótkizildi. Búgin tústen keıin turǵyndardy tehnıkalyq tekserý jáne baǵalaý qorytyndylarymen kezeń-kezeńmen jáne úımen tanystyrý bastalady, - dep sendiredi jedel shtab.

 

Bul maqala týraly ne oılaısyz?