Ulttyq aqparattyq keńistikte betpede kıgen jigit mánerimen elge jaqsylyq jasap, qalyń kópshiliktiń alǵysyn alyp júrgen azamat taǵy qýantty.Ol múgedek eki balanyń ákesine páter men kólik syılady, dep habarlaıdy Alash.KZ ulttyq portaly.
Vıdeodan baıqaǵanymyzdaı, er adamnyń balalary da, áıeli de múgedek ekeni aıtylady. Al, óziniń (keıipker) bos ýaqytta taksı júrgizýshisi bolyp jumys istep, otbasyn asyraýǵa tyrysyp júrgeni sóz bolady.
Ákeniń basty armany - eki qyzynyń sapaly bilim alǵany.
Er adamnyń taǵdyry áser etken “betperde kıgen jigit” ony shyn máninde qýantýdy sheshipti. Ol eki balanyń ákesine emdelý úshin qolma-qol aqsha berip, sonymen qatar oǵan jańa páter men kóliktiń kiltterin syılady.
Esterińizde bolsa, buǵan deıin betperde kıgen jigit sý tasqynynan zardap shekkenderge kómek kórsetken edi. Jalpy, eldiń nazaryn ózine aýdaryp, qurmetke bólengen jigit biraz ýaqyttan beri jarly adamdarǵa kómek kórsetip keledi. Birde alty balasy bar jalǵyzbasty áıelge baspana kiltin syılasa,taǵy birde jumbaq jigit jertólede turyp jatqan anaǵa úı alyp berdi.
