Tiri bolsam, qazaqqa qyzmet etpeı qoımaımyn!

Álıhan Bókeıhan

44 jastaǵy astanalyqtyń "baıqatpaı" taýyq etin urlaǵany habarlandy

22 mamyr 2024 516

Astana qalasy Saryarqa aýdany PB jedel ýákilderi jedel izdestirý is-sharalaryn júrgizý barysynda urlyqqa qatysy bar degen kúdikpen 44 jastaǵy astanalyq azamatty anyqtady,dep habarlaıdy Alash.KZ ulltyq portaly Polisia.kz-ke siltep. 

Tergeý barysynda belgili bolǵany er adam keshki ýaqytta Beıbitshilik kóshesindegi dúkenge kelgen. Qaskúnem dúkende ornalasqan syra satatyn bardyń ıesi shyǵyp ketkenin baıqap, qulpyn buzyp ishke kirgen. Bardan ol áıelder sómkesin alyp shyǵyp, oqıǵa ornynan izin sýytqan. Osylaısha 40 myń teńge materıaldyq shyǵyn keltirgen. Sondaı-aq er adam qalanyń oń jaq jaǵalaýyndaǵy bazardan bir qorap taýyq etin jymqyrǵany belgili boldy. Qaskúnem qoımaǵa taýar kelip jatqan sátte, is-áreketin eshkim baıqamaı turǵanyna kóz jetkizip, qorapty alyp ketken. Atalǵan faktiler boıynsha qylmystyq is qozǵaldy. Er adam Astana qalasy PD ýaqytsha ustaý ızolátoryna qamaldy. Onyń elorda aýmaǵynda jasalǵan osyǵan uqsas basqa da qylmystarǵa qatysy bar-joǵy anyqtalady. Astana qalasy polısıa departamenti azamattardy óz múlkin muqıat baqylaýdy, baǵaly zattardy qaraýsyz qaldyrmaýdy, úı-jaılardy senimdi qulyptarmen jáne kúzet dabylymen jabdyqtaýdy eskertedi.

 

Bul maqala týraly ne oılaısyz?