Tiri bolsam, qazaqqa qyzmet etpeı qoımaımyn!

Álıhan Bókeıhan

Bektenov ónerkásip salasynyń 180 iri jobasyn iske asyrýǵa tapsyrma berdi

28 mamyr 2024 161

Búgin Úkimet otyrysynda Premer-Mınıstr Oljas Bektenov óńdeý ónerkásibin damytý jóninde Ónerkásip mınıstrligine birqatar tapsyrmalar berdi.

Premer-Mınıstr Oljas Bektenovtiń óńdeý ónerkásibin damytý jónindegi tapsyrmalary:  

Ónerkásip mınıstrligi salalyq memlekettik organdarmen jáne óńir ákimdikterimen birlesip, Indýstrıalandyrý kartasy sheńberinde óńdeý ónerkásibiniń 180 jobasyn ýaqtyly iske qosýdy qamtamasyz etýi qajet.

Investorlardyń barlyq suraqtaryn áýre-sarsańǵa salmaı, jedel sheshý kerek.

Otandyq óndirýshilerdi qoldaý jáne damytý úshin óńdeý ónerkásibindegi otandyq kásiporyndardy shıkizatpen qamtamasyz etý máselesi zańnamalyq turǵydan retteldi.

Ónerkásip mınıstrligi múddeli memlekettik organdarmen jáne uıymdarmen birge osy mehanızmdi ónerkásiptiń barlyq negizgi salalarynda qoldanýdy qamtamasyz etýge tıis.

Ónerkásip jáne qurylys mınıstrligine «Báıterek» holdıńimen birlesip, ımportty almastyratyn qurylys materıaldaryn óndirý jobalaryn jeńildikpen qarjylandyrý máselesin pysyqtaý tapsyryldy.

«Samuryq-Qazyna» holdıńi men óńir ákimdikterine «Jaıly mektep» ulttyq jobasy boıynsha jergilikti qamtý deńgeıine jáne sý tasqynynan keıingi qalpyna keltirý jumystaryna baqylaýdy kúsheıtýi qajet.

Bul maqala týraly ne oılaısyz?