Tiri bolsam, qazaqqa qyzmet etpeı qoımaımyn!

Álıhan Bókeıhan

Balalar baǵdarlamasy balaǵat sózben tolyp ketti - DEPÝTAT

23 mamyr 2024 363

Balalarǵa arnalǵan anımasıalyq fılmderdegi ulttyq qundylyqty saqtaý týraly depýtat eskertý aıtty, dep habarlaıdy Alash.kz ulttyq portaly Stan.kz-ke silteme jasap

Depýtattyń aıtýynsha, shamadan tys belsendi vırtýaldy álemniń áserine tótep berý úshin ulttyq til men mádenı týyndylardy ortaq qundylyqtar retinde belsendi túrde nasıhattaý asa mańyzdy. Otanshyl urpaqty qalyptastyrý úshin sol aqparattyq tehnologıany jete meńgerip, ana tilimizdegi mádenı ónim men tárbıe quraldaryn zamanaýı formatta jańǵyrtý, búginginiń tilinde usyný asa ózekti bolyp tur. 

Senatordyń pikirinshe, osy máseleler eń kúrdeli problema. Qazirgi balalardyń bar yqylasy men ynta-jigeri tolyǵymen smartfonǵa aýǵan. Anımasıalyq fılmder búldirshinderdiń dúnıetanymyn qalyptastyratyn, tilin ushtaıtyn birden-bir tálim-tárbıe quralyna aınalyp otyr. Alaıda qazaq múltfılmderi joǵary talaptarǵa saı kelmese, balalar ony kórmeıdi.

"Ulttyq tanymymyzǵa saı ıdeologıalyq mazmun-mańyzǵa ıe, balanyń sanasy tez qabyldaıtyn tárbıelik máni bar anımasıa ónimderi de, baldyrǵandarǵa arnalǵan kitaptar da óte az. Tili shubarlanyp, qazaqy tildiń qaımaǵynan aıyrylǵan, tipti anaıy sózben bylǵana bastaǵan qazaq kınosynyń kúrdeli jaǵdaıy da jeke saýaldyń júgi. Sodan bolar, balalardyń tili ózge tilde shyǵyp, tanym-túsinigi ultymyzǵa jat qalyptasyp keledi. Bul –  ulttyń keleshegi úshin óte qaýipti qubylys. Sebebi, anımasıa – jahandanýdyń eń mańyzdy quralyna aınaldy. Ozyq elder anımasıaǵa strategıalyq deńgeıde mán berip, óziniń ulttyq qundylyǵyn ózge elderge darytyp otyr", – dedi Rýslan Rústemov.

Senator otandyq anımasıany damytý tujyrymdamasyn ázirleýdi, "Kınematografıa týraly" zańdy qaıta qaraýdy, qarjy sýbsıdıasymen ulttyq anımasıalyq ortalyq ashýdy usyndy. Sonymen qatar ol anımasıalyq kıno rejıseri mamandyǵyna granttardy ulǵaıtý qajetin, ulttyq rýhqa sáıkes keletin múltfılmderge jyl saıynǵy tapsyrys berýdiń mańyzyn, sheteldik anımasıalyq fılmderdi memlekettik tilge aýdarýdyń qatań krıterıılerin bekitýdi jáne "Ulttyq anımasıa óneri týraly" zań jobasyn daıyndaý qajet ekenin atap ótti.

Bul maqala týraly ne oılaısyz?