Tiri bolsam, qazaqqa qyzmet etpeı qoımaımyn!

Álıhan Bókeıhan

Batys Reseı bankterin SWIFT júıesinen ajyratyp, Ortalyq bank aktıvterin qulyptaıdy

27 aqpan 2022 113
Batys Reseı ekonomıkasyna soqqy jasaıdy. Eýrokomıssıa tóraǵasy Ýrsýla fon der Láıen jeksenbi kúni túnde Eýropa odaǵy, Ulybrıtanıa, Kanada jáne AQSH jetekshileri Reseıdiń birqatar bankterin SWIFT júıesinen ajyratyp, Reseı Ortalyq bankine syrtqy rezervterin alýǵa shekteý qoıý jóninde ýaǵdalasqanyn málimdedi.



"Pýtın Ýkraınany joıý jolyna tústi. Biraq ol óz eliniń bolashaǵyn joıatyn bolady", – Eýrokomıssıa tóraǵasy.

Shektelgen bankterdiń naqty tizimi keltirilgen joq. Alaıda sanksıa qazir Álfa-Bank, VEB, VTB, "Promsvázbank, "Otkrytıa", "Rossıa", "Rosselhozbank", MKB, "Sovkombankke" jáne aneksıalanǵan Qyrymda jumys isteıtin birneshe kredıt uıymdaryna salynǵany belgili bolyp otyr.

"Qajet bolsa Reseıdiń ózge bankteri de SWIFT júıesinen ajyratylady" dedi Germanıa úkimetiniń resmı ókili Shteffen Hebeshtraıt.

"Osylaısha bul ınstıtýttar halyqaralyq qarjy aǵynynan oqshaýlanyp, aýqymdy áreket jasaý múmkindikteri shekteledi",- dedi Hebeshtraıt.

Aq úı saıtyndaǵy málimdeme "Reseıdiń birneshe bankiniń SWIFT júıesinen ajyratylýy sanksıany qataıtýdyń jalǵyz joly emes" deıdi. Reseı úkimetimen qatysy bar bıznesmenderdiń ınvestısıa salǵanyna aıyrbas retinde Batys elderinen azamattyq alýyn da qıyndatýǵa kelisken. Barlyq tarap Reseıdiń Ortalyq bankine qarsy sanksıany kúsheıte túsýge ýaǵdalasqan.

Reseıdiń Ortalyq bankiniń 640 mıllıard dollar rezerviniń basym bóligi Nú-Iork, London jáne Frankfýrt qalalarynda saqtaýly tur.

Reseı Ortalyq bankiniń rezervtegi aqshasyna qoly jetpeýi Ortalyq bankti rúbl baǵamyn ustap turý múmkindiginen aıyrady.

Munan ózge Batys memleketteri óz elderindegi reseılikterdiń aktıvterin izdestirip, anyqtaýmen shuǵyldanatyn jedel top qurdy. Kelisim jasasqan elder Reseı bıliginiń mańynda júrgen, sanksıa salynýǵa tıis laýazymdy adamdar men olardyń otbasylarynyń tizimin meılinshe kóbeıte túsýdi josparlap otyr.

SWIFT – tólem júıesi emes. Ony búkil álemniń bankteri aqsha aýdarymy týraly sheshim almasatan, kelisimderdi rastaıtyn, qarjy qujatttaryn jiberip, qabyldaıtyn arnaýly messendjer deýge bolady.

SWIFT júıesin álemniń 11 myńnan astam qarjy uıymy paıdalanady.
Bul maqala týraly ne oılaısyz?