Tiri bolsam, qazaqqa qyzmet etpeı qoımaımyn!

Álıhan Bókeıhan

Ýkraına shekarasynda myńdaǵan adam Eýropadan pana surap tur

27 aqpan 2022 84
Ýkraınanyń Reseı basqynshylyǵynan qaýiptengen ondaǵan myń azamaty irgeles Polsha, Slovakıa, Vengrıa jáne Moldova jerine ótýige tyrysyp jatyr. Bul jóninde VVS jazdy.

Reseı shabýyly bastalǵaly 3 kún ishinde bir ǵana Ýkraına-Polsha shekarasynan 115 myń adam ótken. Kóp adam shekaraǵa artyq zatsyz, jaıaý-jalpy jetken. Keıbir shekara pýnktterindegi kezek 15 shaqyrym bolǵan.

Bosqyndardyń basym kópshiligi áıelder men balalar. Mobılızasıaǵa ilinetin 18 ben 60 jas aralyǵyndaǵy er-azamattar Ýkraınadan shyǵarylmaıdy. Bul - Ekinshi dúnıejúzilik soǵystan keıingi jańa tarıhta Eýropada bolǵan asa iri gýmanıtarlyq daǵdarys. Sarapshylardyń sózinshe júzdegen myń otbasy bir-birinen ajyrap qalǵan.

Lvovta bosqyndar Polshaǵa tegin aparatyn poıyzdan oryn tappaı jatyr. Olardy úshinshi sostavtan da qalyp jatyr.

Buǵan deıin BUU Reseı Ýkraınaǵa shabýyl jasaǵan eki kúnnen beri kemi 150 myń adam Ýkraınany tastap ketýge májbúr bolǵanyn habarlaǵan.
Bul maqala týraly ne oılaısyz?