Tiri bolsam, qazaqqa qyzmet etpeı qoımaımyn!

Álıhan Bókeıhan

Bári Nazarbaevqa kelip tireledi - Ábdiǵalıuly qańtar oqıǵasy týraly

18 naýryz 2022 83

Qoǵam qaıratkeri Seıdahmet Quttyqadam pen májilis depýtaty Berik Ábdiǵalıuly qańtar oqıǵasynyń artynda Elbasy tur degen boljamǵa senetinderin Qasqa Jol baǵdarlamasynda aıtty.

Eske salsaq, 16 naýryzdaǵy prezıdent Qasym-Jomart Toqaev óz joldaýynda qasiretti qańtardyń artynda laýazymdy adamdar turǵanyn aıtqan. Biraq áli de naqty adamdardyń esimi atalmady.

«Eldiń jaǵdaıyn bilemiz. Qaýipsizdik keńesi kimge baǵynǵanyn bilemiz. Ne sebepti jaǵdaıdyń oryn alǵany belgili. Qalaı bolǵanda da istiń bári sol kisige (Nursultan Nazarbaevqa) baryp tirelip tur. Meniń oıymsha, onyń tóńiregindegilerdiń bárin tazartady. Ar jaǵynda úlken másele týyndaıdy. Burynǵy Prezıdentke qalaı baǵa beremiz degen másele shyǵady. Meniń oıymsha osyǵan Toqaev jaýap berýi kerek» deıdi Seıdahmet Quttyqadam.

Berik Ábdiǵalıuly bul boljamǵa senetinin, biraq áli tergeý nátıjesin kútý kerektigin aıtty.

«Qazir tergeý jumystary júrip jatyr. Kim uıymdastyrǵany anyqtalyp, áli aıtylady. Árıne, saıası jaǵy báribir sol kisige tirelip tur. Biraq biz quqyqtyq memleket bolǵandyqtan, sheshimder zań aıasynda qabyldanýy kerek. Eger dáleldesek, olardyń áketken aqshalaryn qaıtara alamyz. Dáleldeı almasaq, aqshany qaıtarýǵa eshkim ruqsat bermeıdi. Halyqaralyq turǵyda eshkim sanaspaıdy. Árıne, basty maqsat – kinálilerdi qamap, ádiletti sheshim qabyldaý. Sonymen qatar Qazaqstannan ketken mıllıardaǵan qarjyny qaıtarý kerek.
Sondyqtan búgin úlken jumystar júrip jatyr. Prezıdent eki aı ýaqyt berdi» dedi Ábdiǵalıuly.

[embed]https://www.youtube.com/watch?v=mUvy1rlsQN4[/embed]



Derekkóz
Bul maqala týraly ne oılaısyz?