Qaırat Satybaldyulynyń burynǵy áıeli Gúlmıra Satybaldy reıderlik jolmen bıznesti basyp alýǵa qatysy bar degen kúdikpen ustaldy.
Bul týraly aqparatty sybaılas jemqorlyqqa qarsy qyzmettiń baspasóz qyzmeti rastady.
«Sybaılas jemqorlyqqa qarsy qyzmet Qaırat Satybaldyulyna, onyń burynǵy jubaıy Gúlmıra Satybaldyǵa jáne basqa da tulǵalarǵa qatysty bıznesti reıderlik basyp alý faktisi boıynsha sotqa deıingi tergeýdi bastady» delingen habarlamada.
QR QPK-niń 201-babyna sáıkes ózge aqparat tergeý múddesinde jarıa etýge jatpaıdy.
«16 naýryzda Gúlmıra Satybaldy Qylmystyq is júrgizý kodeksiniń 128-babyna sáıkes ustalyp, Nur-Sultan qalasyndaǵy ýaqytsha ustaý ızolátoryna qamaldy» delingen habarlamada.
Qylmystyq is júrgizý kodeksiniń 201-babyna sáıkes, tergeý múddesin kózdeıtin ózge de málimetter jarıa etilýge jatpaıdy.
Buǵan deıin sybaılas jemqorlyqqa qarsy qyzmettiń «Qazaqtelekom» AQ-nyń asa iri kólemdegi laýazymdyq ókilettikterin asyra paıdalaný jáne qarjysyn jymqyrý faktileri boıynsha qylmystyq isti tergep jatqany belgili bolǵan. Osy qylmystardy jasady degen kúdikpen Qaırat Satybaldyuly ustalyp, ýaqytsha ustaý ızolátoryna qamaldy. Antıkor basshysy Oljas Bektenov Satybaldyulynyń Almaty áýejaıy aýmaǵynda ustalǵanyn jáne Dýbaıǵa ushpaq bolǵanyn aıtty.
Sybaılas jemqorlyqqa qarsy qyzmet basshysy urlyqtyń birqatar epızodtary boıynsha soma anyqtalyp jatqanyn aıtty. Sonymen qatar, «Qazaqtelekomnyń» keńseleri de tintýde.
– Meniń oıymsha, biz tıisti saraptamalar júrgizgennen keıin biz somany ataımyz. Biraq somalar mıllıardtaǵan dep aıta alamyn, – dedi ol.
Derekkóz
