Búgin Rýstem Baıazıev atty Atyraý qalasynyń blogeri óziniń jeke paraqshasynda «Qala sýǵa keteıin dep jatyr, ákimniń orynbasary kólik tańdap júr» dep vıdeo taratty.
Vıdeoda blogerdiń aıtýynsha, ákimshiliktiń jumysshysy Atyraý «Toyota» Ortalyǵynda júrgenin kóre alamyz. Bloger kólik salonynyń aldynda avtoturaqta turǵan qara tústi mashınaǵa kelip, mynaý ákimshiliktiń kóligi, ishki saıasattyń qyzmettik mashınasy dep tanystyrady. Artynsha ishke kiredi. Sóıtse, ákimniń orynbasary eken avtosalonda aralap júrgen. "Atyraý qaýiptiń aldynda tur. Siz munda kólik alǵaly júrsiz be?" deıdi bloger. Ákimniń orynbasary jaltarýǵa sóz taba almaı, salonnan shyǵyp, mashınasyna minip ketip qalady.
Al Atyraý ákimshiligiń resmı paraqshasynda:
Beınejazbadaǵy Atyraý qalasy ákimdiginiń qyzmetkeri ákimdik balansyndaǵy «Toyota» markaly kólikterin jóndeýden ótkizý maqsatynda resmı dılerden qosalqy bólshekterdiń baǵasyn bilip, tapsyrys berýge barǵan - dep jazyldy.
