Qyzyl sýdan qaǵajý kórip jatqan Qulsary qalasynda egiz dúnıege keldi, dep habarlaıdy Alash.KZ ulttyq portaly.
Atyraý oblysy ákimdiginiń málimetine sensek,nárestelerdiń anasy Qulsary qalasyndaǵy Jylyoı aýdandyq ortalyq aýrýhansynda bosanǵan.
Alaıda náresteler qaýipsizdik maqsatynda jedel járdem kóligimen Beıneý aýdandyq aýrýhanasyna jetkizilgen.
«Qazir nárestelerdiń jaǵdaıy birqalypty. Egiz ul — jas otbasynyń tórtinshi jáne besinshi balasy. Sábılerdiń boıy — 52 sm. Ekeýiniń salmaǵy birdeı emes. Bireýiniń salmaǵy — 3500, ekinshisiniń salmaǵy — 3350 gram» dep málim etti oblystyq ákimdikten.
Áleýmettik jeli qoldanýshylary egiz perzentke esim usyna bastady. Biri "Toqtasyn" bolsyn dese, birine "Jalǵas" esimin jón dep tapqan. Al kópshilik arasynda egizderdi yrymdap "Tosqaýyl men Bóget" dep atap jatqandar da bar.
