Tiri bolsam, qazaqqa qyzmet etpeı qoımaımyn!

Álıhan Bókeıhan

Shymkent qańǵybas ıt pen mysyqtardy asyraýǵa 769 mln teńge jumsaǵan

05 sáýir 2024 128

Shymkenttiń myńnan astam qańǵybas janýarlar jaqyn arada mysyqtar men ıtterge arnalǵan jańa tálimbaqqa ornalastyrylady. Jańa ǵımarat zamanaýı jabdyqtardy ornatqannan keıin paıdalanýǵa beriledi. Onda janýarlardy tekserip qana qoımaı, kúrdeli aýrýlaryn emdeýge bolady eken. Jaqynda Shymkentte janýarlardy zararsyzdandyrý jáne chıpteý bastalypty. 

Bir bólim ıtterge arnalǵan, dál osy jerde úısizder ustalady. Qorshaýda eki bólme bar, bireýi jazǵy, ekinshisi qysqy maýsymǵa arnalǵan. Tipti qaldyqtardy jınaý men tógý úshin arnaıy júıe ornatylǵan. Mysyqtarǵa arnalǵan qorshaýlarda úsh júzden astam janýardy ornalastyrýǵa bolady. Onda jylytý júıesi avtomatty, ǵımaratta beınebaqylaý kamerasy da ornatylǵan. Jańa tálimbaqty salý úshin jergilikti búdjetten 769 mln. teńge jumsalǵan.

Abzal Meterov, Shymkent qalasy qurylys basqarmasynyń bólim bastyǵy: «Munda bizde operasıa bólmesi bar, biz zamanaýı jabdyqtar ákelindi, endi qosamyz. Anestezıaǵa, EKG júrgizýge jáne kúrdeli aýrýlardy anyqtaýǵa bolady. Operasıalyq blok barlyq sońǵy tehnologıalar boıynsha jabdyqtalady, sondaı-aq aýrýlardy erte satysynda anyqtaı alatyn arnaıy apparat bolady, deıdi. 

Aıta keteıik, Shymkent qalasynda qańǵybas janýarlarmen kúres máselesi birneshe jyldan beri ózektiligin joǵaltpaı otyr. Turǵyndar ózderiniń qaýipsizdigi úshin alańdaýly. Búgingi tańda Shymkent kóshelerinde 300-den astam qańǵybas janýar bar. Al olardy chıpteý jáne kastrasıalaý máselesi áli sheshilmegen. Jaýaptylar baıqaý nátıjelerin kútip otyrǵanyn, merdiger anyqtalsa, qajetti jumystar bastalatynyn jetkizdi.

Bul maqala týraly ne oılaısyz?