Tiri bolsam, qazaqqa qyzmet etpeı qoımaımyn!

Álıhan Bókeıhan

«Tájirıbesi mol»: Toqaev jańa qyzmetke taǵaıyndalǵan Smaıylovqa senim bildirdi

02 sáýir 2024 309

Memleket basshysy Joǵary aýdıtorlyq palatanyń tóraǵasy Álıhan Smaıylovty qabyldady, - dep habarlaıdy Alash.kz Aqordaǵa silteme jasap.

Kezdesý barysynda memlekettik aýdıt jáne qarjylyq baqylaý júıesiniń tıimdiligin odan ári arttyrý máseleleri talqylandy.

Prezıdent Joǵary aýdıtorlyq palataǵa búdjet qarajaty men memleket aktıvteriniń tıimdi jáne rasıonaldy jumsalýyn respýblıkalyq, sondaı-aq jergilikti deńgeıde qatań baqylaýdy qamtamasyz etý mindeti júkteletinin aıtty.

Óz kezeginde Álıhan Smaıylov memlekettik aýdıt júıesin odan ári damytý jónindegi oı-pikirin jetkizdi, sondaı-aq vedomstvonyń osy jylǵa arnalǵan jospary týraly baıandady.

Kezdesý sońynda Qasym-Jomart Toqaev Álıhan Smaıylovtyń mol tájirıbesi men kásibı biliktiligi júktelgen mindetti sapaly oryndaýǵa septigin tıgizetinine senim bildirdi.

Bul maqala týraly ne oılaısyz?