Tiri bolsam, qazaqqa qyzmet etpeı qoımaımyn!

Álıhan Bókeıhan

Almatydaǵy bılogıalyq zerthanada Amerıka synaq júrgizip jatyr

10 naýryz 2022 101

Almatydaǵy ortalyq anyqtamalyq zerthana AQSH qarjysyna salyndy. Bul týraly QR premer-mınıstriniń orynbasary, Syrtqy ister mınıstri Muhtar Tileýberdi málimdedi.

«Ózderińiz bilesizder, bizde Almatyda Ortalyq referenttik zerthana bar. Bul zerthana AQSH qarajatyna salyndy jáne jabdyqty solar qamtamasyz etti. Biraq bul zerthana tolyǵymen Qazaqstan Úkimetine berildi. Qazir Qazaqstan óz zertteýleri men ǵylymı ázirlemelerin osy zerthanada júrgizedi. Amerıkandyq nemese basqa elderdiń ǵalymdary onda eshqandaı synaq júrgizbeıdi. Osy zerthananyń arqasynda bizdiń QazVac koronavırýsqa qarsy vaksına ázirlendi» dedi Muhtar Tileýberdi.

Eske salsaq, buǵan deıin AQSH Memlekettik hatshysynyń orynbasary Vıktorıa Nýland Ýkraınada bıologıalyq zertteý nysandary bar ekenin, qazir Kıev pen Vashıngton onda jınaqtalǵan materıaldardyń reseılik kúshterdiń qolyna ótýine jol bermeý úshin jumys istep jatqanyn aıtqan. Senattaǵy tyńdaý kezinde odan Ýkraınada hımıalyq ne bıologıalyq qarý bar ma degen suraq qoıyldy.

«Ýkraınada bıologıalyq zertteýlerge arnalǵan qondyrǵylar bar. Biz reseılik áskerlerdiń olardy baqylaýǵa alýǵa árekettenýi múmkin dep alańdaımyz. Sondyqtan biz ýkraındyqtarmen osy zertteý materıaldarynyń kez kelgeniniń reseılik kúshterdiń qolyna túsýine jol bermeý úshin jumys istep jatyrmyz» dep jaýap berdi Nýland.

Al Reseı Qorǵanys mınıstrligi Amerıka Ýkraınadaǵy bıologıalyq zerthanalardy paıdalanýǵa 200 mln dollardan astam qarajat jumsaǵanyn habarlaǵan.



Derekkóz
Bul maqala týraly ne oılaısyz?