Tiri bolsam, qazaqqa qyzmet etpeı qoımaımyn!

Álıhan Bókeıhan

Bir top burynǵy ofıser "zańsyz qýdalanǵanyn" málimdep, Másimovti kinálady

11 naýryz 2022 175
[ad_1]



Bir top burynǵy general jáne polkovnık 11 naýryzda astanada baspasóz jıynyn ótkizip, ózderin "zańsyz qylmystyq jaýapkershilikke tartqanyn" málimdedi. Olar oqıǵaǵa UQK-nyń burynǵy basshysy, qazir qamaýda otyrǵan Kárim Másimovti kinálap, isterdi qaıta qaraýdy talap etti.

Burynǵy polkovnık Muhtar Qarabekov jıynda 2017 jyly ózin astana ákiminiń burynǵy orynbasary Qanat Sultanbekovpen (Astana LRT isi boıynsha aıyptalýshylardyń biri) birge "Para alý" baby boıynsha "zańsyz" sottaǵanyn aıtyp, isti qaıta qaraý qajettigin alǵa tartty.

"Meni [Imanǵalı] Tasmaǵambetov pen [Ádilbek] Jaqsybekovke qarsy kýálik berýge májbúrledi. Ofıser retinde odan bas tarttym, sol úshin sottaldym" dedi ol.

Burynǵy polkovnıktiń sózine qaraǵanda, ony "qorǵanys salasynyń tapsyrysyn oryndaıtyndardan aqsha alyp, Tasmaǵambetovke berdi dep moıyndatýǵa tyrysqan".

Ol tergeý kezinde eks-prezıdenttiń nemere inisi Samat Ábish tarabynan "qoqan-loqy men qysym" kórgenin de aıtty.

Qarabekovtiń sózinshe, keıingi bir jarym jylda 157 ofıser "bultartpas dálel-aıǵaqsyz" "zańsyz sottalǵan", jeteýi Joǵarǵy sot úkimimen aqtalyp shyqqan. Jıyndy ótkizýshiler qýdalaýdy toqtatyp, Másimov basshylyq etken jyldary "quqaı kórgen" áskerı qyzmetkerlerge taǵylǵan aıyptardy alyp tastaýdy surady.

Olar jýrnalıserge qylmystyq iske tartylǵan burynǵy ofıserlerlerdiń tizimi men olar jaıly aqparat berdi. Onda 36 adamnyń aty-jóni bar.

Jıynda "ofıserlerdiń qýdalanýynan" bólek, “kúshtik qurylymdardaǵy jemqorlyq” pen olarǵa keıbir laýazymdy tulǵalardyń qatysy jóninde aıtyldy. Konferensıada eks-prezıdenttiń úlken qyzy Darıǵa Nazarbaevanyń da aty ataldy.

Bılik ázirge reaksıa bildirmedi.

Astanada osy jıyn ótken kúni keıbir Telegram-arnalar Bas prokýratýranyń vedomstvoaralyq tergeý-jedel toby 2019 jyly zeınetke shyqqan burynǵy saıasatker Imanǵalı Tasmaǵambetovtiń “Astana LRT” jobasyndaǵy jemqorlyqqa yqtımal qatysy jóninde "tekseris bastaǵanyn" habarlaǵan. 11 naýryzda kúndiz Bas prokýratýranyń baspasóz hatshysy Darhan Dúısebaev bul jóninde Azattyqqa “ne ıá, ne joq dep aıta almaımyn” dedi. “Ázirge aqparat joq” dedi.

Al áleýmettik jelide keıbir qoldanýshylar joǵaryda atalǵan oqıǵalardy "elıta arasyndaǵy tartystyń" bir kórinisi dep te baǵalap jatty.



[ad_2]

Derekkóz
Bul maqala týraly ne oılaısyz?