Tiri bolsam, qazaqqa qyzmet etpeı qoımaımyn!

Álıhan Bókeıhan

Almatyda moped urlap satýmen ádistengen jas jigitterdiń toby quryqtaldy

12 mamyr 2024 298

Almatynyń turǵyn úı alańdarynda moped urlaýmen aınalysqan eki top ustaldy. Jas jigitterden quralǵan top turǵyndardyń shaǵyn kólikterine qyrǵıdaı tıip, ony satýǵa shyǵarǵan, dep habarlaıdy Alash.KZ ulttyq portaly.

Almaty qalasyndaǵy polısıa qyzmeti urlyq-qarlyq jaǵdaıy jaıdy habarlady: 

"Ótken mereke kúnderi biz eki toptyń quramynda áreket etken 6 jas jigittiń moped urlaý áreketterin áshkereledik. Olar túngi ýaqytta bóten adamdardyń mopedterin urlaǵan. Qylmystyq jolmen alynǵanyn aldyn ala bile tura, urlanǵan taýardy alyp otyrǵan satyp alýshy da ustaldy. Qylmysqa qatysy bar árbir adamnyń áreketine tergeýmen quqyqtyq baǵa beriletin bolady", - dedi Áýezov aýdandyq polısıa Basqarmasynyń bastyǵy, polısıa polkovnıgi Ulan Ábilqaıyr.

Urlyqty áshkereleý barysynda Almaty polısıasy eki dońǵalaqty kólikterdi urlyqtan qorǵaý joldaryn da usynady:

- kólikti kireberiste qaraýsyz qaldyrmańyz;

-velosıpedterdi, mopedterdi, samokattardy, urlyqqa qarsy quraldardy paıdalana otyryp, beınekameralarmen jabdyqtalǵan oryndarda turaqqa qoıyńyz;

-urlanǵan jaǵdaıda dereý «102» púltine habarlańyz;

-sondaı-aq, urlanǵan múlik týraly aqparatty daıyndaý qajet: qujattar, marka, tús, fotosýretter, serıalyq nemese basqa nómirlik belgiler;

Bótenniń múlkin urlaýǵa qarsy kúrestiń baǵyty - moped, velosıped, samokattar urlyǵynyń aldyn alý.

Taldaý kórsetkendeı, kóp jaǵdaıda urlyqtyń bul túri keıbir azamattardyń óz múlkine uqypsyz qaraýy, mopedterin, velosıpedterin jáne samokattaryn qaraýsyz qaldyrýy nátıjesinde jasalatyny naqtylandy. 

 

Bul maqala týraly ne oılaısyz?