Tiri bolsam, qazaqqa qyzmet etpeı qoımaımyn!

Álıhan Bókeıhan

171 birlik tehnıka jáne ondaǵan eriktiler: Almaty oblysy Batys Qazaqstanǵa qalaı kómektesti

08 mamyr 2024 235

«Almaty-1» stansıasy mańaıyndaǵy saıabaqta jan tebirenterlik kezdesý boldy. Zamanymyzdyń qaharmandary – Batys Qazaqstan oblysynan alapat sý tasqynynyń zardaptaryn joıýǵa atsalysqan júrgizýshiler, eriktiler men qutqarýshylardy gúl shoqtary men alǵys sózderimen qarsy aldy. Sáýir aıynyń ortasynda Almaty oblysy elimizdiń batysyna samosvaldar, kamazdar men ekskavatorlardy qosa alǵanda 171 birlik tehnıka, 50 qutqarýshy men áskerı qyzmetshi, sondaı-aq 15 eriktilermen áserli jasaq jiberildi. Kásipkerler men sharýa qojalyqtarynyń basshylarynan bastap TJD qyzmetkerleri men qarapaıym turǵyndarǵa deıin barlyǵy ún qatyp, kómek berýge jaýap bergen bolatyn. Delegasıany basqarǵan Almaty oblysy ákiminiń orynbasary Almas Batanov osy mańyzdy mısıanyń barlyq qatysýshylaryna úlken rızashylyǵyn bildirdi.

«Búgin biz sizderdi beıbit ýaqyttyń keıipkerleri retinde qarsy alamyz. Siz óz otandastaryńyzdy qıynshylyqqa tastamaı, tabıǵı apatpen kúresip keldińizder», – dep atap ótti Almas Batanov.

Qonaev qalasynan kelgen erikti Rashıd Mámetov Oraldaǵy jumysy týraly «Biz bógetter salyp, aýyldardy sýdan qorǵadyq. Aýyldardy sý basyp ketýi múmkin degen qorqynysh boldy, alaıda úılesimdi jumystyń arqasynda biz aýyldardy qorǵaı aldyq»,- dep jaýap qaıtardy. Talǵar aýdanyndaǵy samosval júrgizýshisi Eldar Isaev: «Biz bir kúnde 15 ret reıs jasap, bóget salýǵa qum tasyp, 26 arnaıy tehnıkany jumyldyryp, uzyndyǵy 8 shaqyrymǵa jýyq bóget jasadyq aýyldardy sý basýdyń aldyn aldyq»,-dep habarlady.

Batys Qazaqstanǵa kómek kórsetý tarıhy qazaqstandyqtardyń birligi men yntymaqtastyǵynyń jarqyn mysaly bola alady.

Bul maqala týraly ne oılaısyz?