Tiri bolsam, qazaqqa qyzmet etpeı qoımaımyn!

Álıhan Bókeıhan

Aktrısalardy hıjabsyz túsirgeni úshin belgili rejıserge dúre soǵylyp, bostandyǵynan aıyryldy

09 mamyr 2024 349

Iran rejıseri Mohammad Rasýlof qatań jazaǵa tartyldy. Sot ony el qaýipsizdigine qarsy qylmystar jasaýdy kózdeıtin ashyq málimdemeler aıtyp, kórkem jáne derekti fılmder túsirgeni úshin jazaǵa kesti.

Stan.kz málimdeýinshe, ol lısenzıasyz túsirilim jasap, aktrısalardy hıjabsyz túsirdi dep aıyptaldy.

Buǵan deıin de ol jazaǵa tartylypty. Alǵash ret 2010 jyly ruqsatsyz túsirilimge túskeni úshin qamaýǵa alynǵan. Bastapqyda ol alty jylǵa bas bostandyǵynan aıyryldy, biraq keıin jaza bir jylǵa qysqardy.

2017 jyly shetelden oralǵan soń oǵan elden shyǵýǵa tyıym salyndy. Rasýlof úkimetti synaǵany úshin 2022 jyldan 2023 jylǵa deıin túrmede otyrdy, biraq densaýlyǵyna baılanysty merziminen buryn bosatyldy.

Mohammad Rasýlof – kóptegen kınosyılyqtardyń laýreaty jáne nomınanty.

2020 jyly ol "Zulymdyq joq" jumysy úshin Berlın kınofestıvaliniń "Altyn aıý" syılyǵyn aldy. Sondaı-aq onyń "Qasıetti injir tuqymy" fılmi Kann kınofestıvaline qatysý úshin tańdaldy.

Bul maqala týraly ne oılaısyz?