Mýzykalyq shoýdyń uıymdastyrýshylarynyń biri Almas Jalıdyń aıtýynsha, eldegi eń tanymal onshaqty shyǵarmashylyq jastar toby men oryndaýshylar keletin konsert jeke qarajatqa uıymdastyrylǵan.
"Qostanaıdaǵy ónerpazdardyń ónerin tamashalaýǵa Qazaqstannyń kóptegen qalalarynan myńdaǵan jas keldi. Bir aıda 16 myń bılet satyldy", - dep jazdy ol Instagram paraqshasynda.
Esterińizge sala keteıik, Qostanaıda jaqyn kúnderi ult ustazy Ahańnyń Ahmet Baıtursynulynyń 150 jyldyq mereıtoı ótýi kerek edi. Biraq, Áýlıekól aýdanynydaǵy órt sebebinen atalmysh toı ótpeıtin bolǵan edi.
Órtten bir adam qaıtys bolyp, kóptegen úıler janyp ketken. 2000-ǵa jýyq adam kóshirilgen.
Endi zańdy suraq týyndaıdy. Órt sebebinen ult ustazynyń toıy ótpeı qalǵan Qostanaıda nege 16 myń adamdyń mýzykalyq shoý ótedi? Eger salǵastyryp qarar bolsańyz Ahańnyń 150 jyldyq toıy el eńsesin kóterer mereıli data emes pe edi?
M.Áýelhanuly, Alash.kz
