Tiri bolsam, qazaqqa qyzmet etpeı qoımaımyn!

Álıhan Bókeıhan

"Aǵady Jaıyq". Orynbordy sý alyp jatqanda qazaqstandyqtar Saraıshyqty saqtaýǵa kiristi

10 sáýir 2024 661

Reseıdiń Orynbor mańyndaǵy Jaıyq ózeniniń deńgeıi jarty metrge kóterildi. Qalanyń sý basqan aýmaǵy ulǵaıyp keledi. Al QR vıse-premeri Qanat Bozymbaev Atyraýdaǵy tamyryn tereńge tartqan kóne qala Saraıshyqty saqtap qalýǵa aıryqsha mańyz tanytý qajet ekendinin aıtyp, aımaqqa arnaıy at basyn burdy. Biz redaksıa tarapynan qazaq halqynyń tarıhy úshin asa mańyzdy sanalatyn qos qala, Orynbor men Saraıshyqtaǵy, sý tasqyny jaǵdaıyna kóz júgirtip, máseleniń mán-mańyzyn saraptap kórdik, dep habarlaıdy Alash.KZ ulttyq portaly.

""Túnde birqatar aýdandarda sý tasqyny kúsheıdi. Sý basqan aýdandardyń ishinde Kýıbyshev atyndaǵy kent, Zarechnyı, Kýznechnyı bar. Ótken túnniń ózinde oblys ortalyǵynda 300 - den astam úı sý astynda qaldy", - delingen habarlamada.

Bul jaıly qala basshysynyń birinshi orynbasary Alekseı Kýdınov málimdegen. Onyń aıtýynsha, qazir ózendegi sý deńgeıi 965 sm.

4 sáýirden bastap Orynbor oblysynda sý tasqynynyń kúsheıýine baılanysty óńirlik deńgeıdegi TJ rejımi jarıalandy. 7 sáýirde úkimettik komısıa Orynbordaǵy sý tasqynyn federaldyq sıpattaǵy TJ-ǵa jatqyzý týraly sheshim qabyldady.

Sý tasqynynan qatty zardap shekken aımaq - Or qalasy. Qalada bóget buzylǵannan keıin 7 myńǵa jýyq úı sý astynda qaldy.

Bir aıta keterligi, qazaqstandyqtar da qarqyny qatty qarǵyn sýmen kúresip jatyr. Vıse-premer, Sý tasqynyna qarsy is-sharalardy úılestirý jáne sý tasqynynyń saldaryn joıý jónindegi respýblıkalyq shtab jetekshisiniń orynbasary Qanat Bozymbaev Saraıshyq qalasyn saqtaýdy jergilikti ákimdikke tapsyrdy. 

Úkimettiń baspasóz qyzmetiniń habarlaýynsha, gıdrobeketterde sý deńgeıi artqan. Inderbor aýylynda 33 sm-ge jáne Mahambet aýylynda 60 sm-ge deıin sý deńgeıiniń kóterilgeni týraly habarlandy. 

Inder aýdanyndaǵy jaǵalaýdy nyǵaıtý jumystarynyń barysy tekserildi. 87 birlik tehnıka men 505 erikti jumyldyrylǵan. 14,9 shaqyrymǵa qum men 103,5 myń qap tóseldi. Mundaı sharalar Mahambet aýdanynda da qolǵa alynyp, dambalardy nyǵaıtýǵa 4 myń erikti men 210 tehnıka jumyldyrylyp, 12,8 shaqyrymǵa qum tóseldi.

Jaıyq jaǵalaýyn nyǵaıtý jumystary úshin Atyraý 107 ýchaskege bólingen, olardyń árqaısysyna jaýapty maman bekitilgen. Búginde 32 shaqyrym damba ornatylyp, 503 birlik tehnıka, 9 myńǵa jýyq erikti jumyldyrylǵan, 373 myń qap tóseldi.

Biz qazaqstandyqtardyń bosaǵasyna kirip, shańyraǵyna tutas jaıylǵan qarǵyn sýǵa qatysty derekterge úńildik. Mınıstrlik ókilderiniń málimdeýinshe, Aqmola, Aqtóbe, Atyraý, Qostanaı, Soltústik Qazaqstan Shyǵys Qazaqstan jáne Pavlodar oblystarynda 3 745 jeke turǵyn úı, 421 aýla aýmaǵy sý astynda qalǵan 

"Sý tasqyny bastalǵaly beri shamamen 76 myńǵa jýyq adam, onyń ishinde 18 myńnan astam bala qutqaryldy. Tartylǵan áýe kemelerimen 2 811 adam, onyń ishinde 865 bala qutqaryldy. Ýaqytsha ornalasý pýnkterine 7 203 adam, onyń ishinde 2 794 bala ornalastyryldy. 69 myńnan astam aýyl sharýashylyq janýar qaýipsizdik jerge aıdaldy. "Jedel jeli" telefonyna 1052 qońyraý tústi, psıhologtar zardjar shekken adamdarǵa pıshologıalyq kómek kórsetýde Sý júrgen 146 avtojol, sý shaıǵan 105 avtojol, onyń ishinde 4 kópir jáne 101 jol tósemi baqylaýda. Jergilikti atqarýshy organdar halyqpen baılanys ornatyp, qajetti azyq-túlik jáne dári-dármek qorlaryn qurǵan 65 eldi meken kólik qatynasynsyz qaldy", - delingen vedomstvo habarlamasynda. 

Dastan Qastaı

 

Bul maqala týraly ne oılaısyz?