Tiri bolsam, qazaqqa qyzmet etpeı qoımaımyn!

Álıhan Bókeıhan

Abzal Quspannyń aryzy Bolat Ábilovtyń saılaýǵa túsýine kedergi bola ma?

22 qyrkúıek 2022 65



Aldyńǵy joly aıtqam, suraqtar bolsa jaýap beremin dep, solarǵa qysqasha jaýap bereıin;

1. Nege is orys tilinde, ıntervú qazaqsha ǵoı?

– Intervú qazaq tilinde bolǵandyǵy sebepti, mende shaǵymdy qazaq tilinde bergem, biraq QR ÁQBtK-nyń 744 baby, 1 bóligine sáıkes, quqyq buzýshy qaı tilde jaýap berse, is sol tilde júredi. Abılov ózine yńǵaıly orys tilin tańdady.

2. Abılov prezıdentikke kandıdat retinde tússe, bul is oǵan kedergi bolmaı ma?

– Joq, qoldanystaǵy Konstıtýsıanyń 41 baby, «Saılaý týraly» Konstıtýsıalyq zańnyń 4 babynda ondaı shekteýler qarastyrylmaǵan.


3. Bul bolashaqta sóz bostandyǵyna shekteý qoıýǵa ákep soqpaı ma?

– Sóz bostandyǵy – ol sóz ıesiniń barlyq jaýapkershilikten bosatylýy degendi bildirmeıdi. Jala japqany, adamnyń ar-ujdany, abyroıyna tıiskeni, mazaq qylǵany úshin jaýapkershilik álemniń barlyq damyǵan elderiniń zańdarynda qarastyrylǵan. Oǵan zamanaýı zańdarymyzdyń jáne demokratıanyń bastaýy dep tanylǵan Fransýz Revolúsıasynan bastap shyqqan barlyq uly eńbekter men traktattardy oqysańyz da ońaı kóz jetkizesiz.

4. Endi Sizge til tıgizgen barlyq adammen osylaı sottasa beresiz be?

– Joq árıne, adamdar minezine baılanysty jetekshi jáne jetekke erýshi bolyp eki tıpke bólinedi (vedomye ı vedýshıe). Jetekke eretinder kópshilikti quraıdy. Olar ózdiginen izdenbeıdi, bas qatyrmaıdy, belgili tulǵalar basqalar týraly ne aıtsa, sony sol qalpynda qabyldaıdy. Sondyqtanda ol tıptegi adamdardyń sózin kóńilge alyp keregi joq.

Al Bolat Abılov bolsa – ol qoǵamdyq-saıası ortada pikir qalyptastyra alatyn, jetekshi rólge ıe adam.


Osyndaı tulǵalar kópshilikke qarata aıtqan sózderine nazar aýdarsa, el aldyndaǵy jaýapkershiligin sezinse degen oı meniki. Ekinshi maqsatym – osyndaı sózge qalǵan, ar-namysy taptalǵan azamattar bolsa, jelide bosqa sóz shyǵyn qylmaı, zań júzinde óz quqyqtaryn qorǵasa. Ol úshin ákimshilik, azamattyq, qylmystyq zańnamada qandaı jaýapkershilik túrleri qarastyrylǵan, olardy qalaı qoldanýǵa bolady, bárin táptishtep jazyp shyqtym. Ár adam tanysyp, ózine keregin paıdalanýyna bolady.

​Budan basqa, mánsizdeý, qyńyr-qısyq suraqtarda, ártúrli pikirlerde boldy, olardy jazyp bul jerdi urys alańyna aınaldyrý maqsatym joq. Sonymen bul tema ázirge támam!

Jelide, qoǵam arasynda, áleýmettik, saıası ortada bir-birimizdiń arymyzdy taptamaı, jeke basqa tıispeı mádenıetti túrde pikir talastyryp úıreneıik. Abaısha aıtqanda, sóz túzelmeı, el túzelmeıtinin este saqtaıyq!

Abzal Quspan

Bul maqala týraly ne oılaısyz?