Osy aptada Almaty qalasy máslıhatynyń XXV sesıasy ótip, sonyń barysynda «Almaty qalasyn 2025 jylǵa deıingi damytý baǵdarlamasy jáne 2030 jylǵa deıingi orta merzimdi perspektıvalar» bekitildi.
Joba aıasyndaǵy keleli otyrysqa eń aldymen Almaty qalasynyń ákimi Erbolat Dosaev kelip qatysty. Odan keıin, ákimniń orynbasarlary, basqarma basshylary men máslıhat depýtattary keldi. Qoǵamdyq keńes músheleri men sarapshylar qaýymdastyǵynyń ókilderi boldy.
Almaty qalasyn 2025 jylǵa damytýdyń baǵdarlamasyn daıyndaý barysynda strategıalyq josparlar jasaldy. Sonymen birge, halyqaralyq tájirıbe, álemdik megapolısterdi damytý qaǵıdattary da tereń zerdelendi. Jospardy oryndaý úshin qala ómiriniń barlyq salalaryndaǵy jaǵdaılar talqylanyp, taldandy. Damytý baǵdarlamasy aıasynda syn-qaterler eskeriledi, qala turǵyndardyń barlyq ótinish-tilekteri qaralyp, muqıat óńdeletin bolady. Jıynda týra osy áńgime qozǵaldy.
Almaty qalasyn damý baǵdarlamasy bul óte úlken jumystyń nátıjesi. Buǵan Almaty ákimdigi men ártúrli qyzmet salalarynan 130-dan astam mamandanǵan sarapshy tartyldy. Olar 5 aı boıy jumys jasaǵan. Baǵdarlama qala turǵyndarynyń usynys-tilekteri negizinde jasalǵan. Osy usynys boıynsha bıyl shildede almatylyqtar qala damý baǵdarlamasynyń basty basymdyqtaryna 1280 túrli túsinikteme jibergen.
Shahar basshysy Erbolat Dosaev óz sózinde Almatynyń barlyq turǵyndaryna qalany damytý baǵdarlamasyn taldaýǵa óte belsendi atsalysqandary úshin raqmet aıtty.
Damý baǵdarlamasynyń bazalyq ereksheligi mynaý: jaıly qalalyq orta jasaý, Almatynyń barlyq iri jáne shaǵyn aýdandarynda ómir súrý sapasyn arttyrý. Máselen, Almaty qalasyn 2025 jylǵa deıin damý baǵdarlamasynda 7 túrli basty baǵyt aıqyndalǵan. Olar: Jaıly qalalyq orta, ornyqty ekonomıkalyq ósý, basqarylatyn ýrbandalý, áleýmettik ornyqtylyq pen turaqtylyq, jasyl Almaty, smart sıtı, qaýipsiz qala degen sıaqty baǵyttar.
Jıyn kezinde biz atap ótken qalany damytýdyń basty baǵyttarynyń árqaısysy týraly shahar basshysynyń orynbasarlary men sıfrlandyrý basqarmasynyń basshysy baıandap berdi. Budan bólek, jıynda birqatar normatıvtik-quqyqtyq aktiler qabyldanyp, sonyń negizinde naqty jumystar jasalatyn boldy.
J.SHÓKE