SQO-da búdjet qarajatyn utymdy paıdalanýdy taldaý sheńberinde memlekettik satyp alý týraly zańnamany óreskel buzý faktileri anyqtaldy, dep habarlaıdy Alash.kz saıty inbusiness.kz saıtyna siltep.
Petropavl qalasynyń turǵyn úı-kommýnaldyq sharýashylyq bóliminiń laýazymdy tulǵalary "Memlekettik satyp alý" jáne "QR sáýlet-qala qurylysy, qurylys qyzmeti týraly" Qazaqstan Respýblıkasy Zańdarynyń talaptaryn buza otyryp, somasy 3,6 mlrd. teńgege jer ýchaskelerine quqyq belgileıtin qujattarsyz, qurylys boıynsha memlekettik satyp alýlar júrgizgen.
Shal aqyn aýdanynda Ekonomıka jáne qarjy bólimi "Memlekettik satyp alý týraly" Qazaqstan Respýblıkasy Zańynyń (budan ári-Zań) talaptaryna qaıshy, aýla aýmaqtaryn asfálttaý boıynsha mekenjaıy men jumys kólemin kórsetpeı somasy 57,8 mln teńgege satyp alý júrgizgen.
Esil aýdanynda Turǵyn úı-kommýnaldyq sharýashylyq bólimi Zańnyń 21-babyn buza otyryp, satyp alynatyn taýardyń markasyn kórsete otyryp, 113,8 mln teńge somasynda kómir satyp alýdy júzege asyrǵan.
Qadaǵalaý organynyń narazylyǵyna baılanysty joǵaryda atalǵan satyp alýlar joıylyp, kináli laýazymdy tulǵalardy zańda belgilengen jaýapkershilikke tartý sharalary júrgizilýde.
Jalpy jyl basynan beri prokýrorlar bul salada 20 memlekettik satyp alýdy buzyp, nátıjesinde 7,1 mlrd teńge búdjet qarajatynyń jumsalýyna jol bermedi.
Jiberilgen buzýshylyqtar úshin 29 laýazymdy tulǵa ártúrli jaýapkershilikke tartyldy, onyń ishinde 7-i memlekettik qyzmettiń bedelin túsirgeni úshin, 4-i jumystan bosatyldy jáne 3-i tolyq sáıkes emestigi týraly eskertildi.
