Tiri bolsam, qazaqqa qyzmet etpeı qoımaımyn!

Álıhan Bókeıhan

Resmı derekter: Qazaqstandaǵy eń kóp bala Túrkistan oblysynda turyp jatyr

01 maýsym 2024 433
1 maýsym kúni elimizde de, ózge memleketterde de Halyqaralyq balalardy qorǵaý kúni sanalady. Mereke qarsańynda Ulttyq statısıka búrosy málimet bólisip, elimizdegi balalar sanyna qatysty derekterdi jarıa etti, dep habarlaıdy Alash.KZ ulttyq portaly. 

2024 jylǵy 1 qańtardaǵy jaǵdaı boıynsha, 18 jasqa deıingi balalar sany - 6 841 527. Onyń ishinde 3,5 mln – ul, 3,3 mln – qyz bala. Balalardyń 59,7% qalalyq jerde turady.

"Halyqtyń jalpy sanynda 18 jasqa deıingi balalardyń úlesi 34,1% quraıdy. Óńirler arasynda halyq sanyndaǵy balalardyń eń joǵary úles salmaǵy Túrkistan oblysynda – halyqtyń 43,3% 18 jasqa deıingi balalar, odan keıin Mańǵystaý oblysy (41,9%) jáne Shymkent qalasy (40,6%)".Ulttyq statısıka búrosy

Sondaı-aq ulttyq statısıka ortalyǵy óńirler bólinisindegi 18 jasqa deıingi balalar sanyn da usyndy:

  • Abaı oblysy – 188 321
  • Aqmola oblysy – 223 493
  • Aqtóbe oblysy – 330 877
  • Almaty oblysy – 556 114
  • Atyraý oblysy – 274 688
  • BQO – 217 427
  • Jambyl oblysy – 465 492
  • Jetisý oblysy – 245 056
  • Qaraǵandy oblysy – 317 101
  • Qostanaı oblysy – 206 584
  • Qyzylorda oblysy – 335 399
  • Mańǵystaý oblysy – 329 613
  • Pavlodar oblysy – 205 030
  • SQO – 126 424
  • Túrkistan oblysy – 927 107
  • Ulytaý oblysy – 75 506
  • SHQO – 182 714
  • Astana – 472 070
  • Almaty – 665 430
  • Shymkent – 497 081

Sonymen qatar,resmı boljamǵa sáıkes, 2027 jylǵa qaraı eldegi balalar sany 8 mıllıonǵa ulǵaıady. Bul týraly QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova habarlady.

Tóraǵanyń aıtýynsha, qazir Qaqstanda 6,8 mln bala bar. 7 myńnan astam mektepte 3,8 mln bala bilim alady.
Bul maqala týraly ne oılaısyz?