Ұлттық спортқа мемлекет тарапынан биыл 1 635 228 мың теңге бөлінген. Бұл туралы Forbes.kz тілшісіне сұхбат берген «Ұлттық және ат спорты түрлері орталығының» директоры Бақдәулет Сәбитов айтты.
Оның айтуынша, биыл 5-ші Дүниежүзілік көшпенділер ойындары ел астанасында өтетіндіктен, қолдау да ерекше екен.
Ұлттық және ат спорты түрлері орталығына биыл мемлекеттік бюджеттен 1 635 228 мың теңге бөлінді. Бұл орталықта 82,5 штаттық орын бар. Бөлінген бюджеттен қызметкерлердің жалақысына 442 млн 343 мың теңге, ал спортшылар мен жаттықтырушылардың ішкі және сыртқы жарыстарға баруына 111 млн 045 мың теңге қарастырылған, деді Сәбитов.
