ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جولداۋدان كوڭىلگە تۇيگەندەر

10 قىركۇيەك 2022 58

ەل پرەزيدەنتى قاسىمجومارت كەمەل ۇلى توقايەۆتىڭ بۇگىنگى قازاقستان حالقىنا جولداۋى ەل كوڭىلىنە قونىمدى ءارى جاعىمدى جاڭالىقتارعا تولى بولدى. سونىڭ ىشىندەگى ەڭ ەرەكشە رەفورمالارىنىڭ ءبىرى − ۇلتتىق قوردان وسكەلەڭ ۇرپاققا كامەلەت جاسىنا تولعانعا دەيىن بولىنەتىن قارجىلىق ۇلەسى جايىندا.
«ەڭ ءبىرىنشى، ۇلتتىق قوردىڭ پايداسىنىڭ 50 پايىزىن 18-جاسقا تولعانعا دەيىن ءاربىر قازاقستاندىق ازاماتتىڭ جەكە دەربەس شوتىنا اۋدارام دەۋى - ولاردى بولاشاقتا ءبىزدىڭ بالالارىمىزدىڭ ءبىلىم سالاسىنا، باسپانا الۋ سالاسىنا جۇمساۋ مۇمكىندىگى دەگەندى بىلدىرەدى. بۇل ەندى قازاقستان تاۋەلسىزدىگىن العاننان بەرى كوتەرىلىپ كەلە جاتقان ماسەلە دەسەم بولادى. اراب ەلىنىڭ مىسالىندا ءبارىمىز وسىنى ايتىپ تا جۇردىك، بىزدە وسى قالاي بولادى ەكەن دەپ. كىشكەنتاي بالانىڭ اناسى رەتىندە بالاباقشا ماسەلەسىن كوتەرگەنى دە ۇنادى. بارلىعىنا ەندى ءبىزدىڭ ۇكىمەتىمىز كەشەندى تۇردە، جىلدام، ناقتى ناتيجە بەرەتىن ءىس-قيمىلداردى ازىرلەپ، ۇسىنا الادى دەپ سەنەمىن»، - دەيدى ءال-فارابي اتىنداعى قازۇۋ قازاقستان تاريحى كافەدراسىنىڭ دوسەنتى مەڭدىگۇل نوعايبايەۆا.
اباي اتىنداعى قازۇپۋ قازاقستان حالقى اسسامبلەياسى كافەدراسىنىڭ مامانى گۇلدەن جاشارالينا پرەزيدەنتتىڭ جاقىندا حالىققا جولداعان جولداۋىنا قاتىستى پىكىر ءبىلدىردى.
«ۋنيۆەرسيتەتتىڭ وقىتۋشىلارىن جانە دە مەملەكەتتىك مەكەمەلەردى جۇمىس جاسايتىن پەداگوگتاردىڭ بەس جىل سايىن عانا ەمەس، ءۇش جىل سايىن اككرەديتاتسيالاۋ، ياعني بىلىكتىلىگىن ارتتىرىپ وتىرۋىن جاڭارتۋ كەرەكتىگىن دە اتاپ كورسەتكەن بولاتىن. بۇل دەگەنىمىز مەملەكەتتەگى جاستارعا مۇعالىمدەردىڭ جاڭا ءبىلىمدى ءار جىل سايىن جاڭا تۇردە، جاڭا فورمادا بەرۋىن قامتاماسىز ەتىپ وتىرۋدىڭ انىق كورسەتكىشى دەپ ايتساق بولادى»، - دەيدى ول.
گۇلدەن جاشارالينا جولداۋدا ايتىلعان مىندەتتەردىڭ ءبارى ەل بولاشاعىنا جول اشادى دەگەن سەنىمدە.
«سونىمەن قاتار بالاباقشانى دا اككرەديتاتسيالاۋ ماسەلەسىنە كەلىپ توقتاتالاتىن بولساق، تەك قانا بالاباقشانى عانا ەمەس، سونىڭ ىشىندە تاربيەشىنى جەكەلەي تۇردە اككرەديتاتسيالاۋ ماسەلەسىنە انىق تۇردە توقتالعان بولاتىن. پرەزيدەنتىمىزدىڭ بۇگىنگى جولداۋىندا كورسەتكەن، اتاپ ايتقان ناقتى جولدامالارىنىڭ بارلىعى الداعى تاڭدا ءبىزدىڭ مەملەكەتىمىزدىڭ جوعارى دەڭگەيدە ءوسىپ، جارقىن بولاشاققا جول اشاتىنىنا سەنىمىم مول»، - دەيدى اباي اتىنداعى قازۇپۋ قازاقستان حالقى اسسامبلەياسى كافەدراسىنىڭ مامانى گۇلدەن جاشارالينا.

بۇل ماقالا تۋرالى نە ويلايسىز؟