مەملەكەتشىل تۇلعا التىنبەك سارسەنباي ۇلى 2006 جىلى ساياسي قاستاندىقتىڭ قۇربانى بولماعاندا بيىل 60 جاسقا تولار ەدى. ساياساتكەردىڭ تۋعان-تۋىستارى، دوستارى، ارىپتەستەرى اس بەرىپ، قۇران باعىشتادى.

وتكەن سەنبىدە الماتى وبلىسىنىڭ رايىمبەك اۋدانىنداعى سارىجاز اۋىلىنىڭ مەكتەبىنە التىنبەك سارسەنباي ۇلىنىڭ اتىن بەرۋگە قاتىستى شارالار ءوتتى.

ا.سارسەنباي ۇلى اتىنداعى مەكتەپ.

فوتو: اسىلحان ءابدىرايىم ۇلى

الماتى وبلىسىنىڭ ءماسليحاتى حالىقتىڭ بۇل ۇسىنىسىن قولداپ، مەملەكەتشىل تۇلعانىڭ اتىن مەكتەپكە بەرۋ تۋرالى شەشىمدى رەسپۋبليكالىق ونوماستيكالىق كوميتەتكە جولدادى.

ا.سارسەنباي ۇلىنىڭ جارى سالتانات اتۋشيەۆا.

سول كۇنى فۋتبولدان، ۆولەيبولدان اۋدان كولەمىندە جارىس ءوتىپ، سپورتشىلار ب ا ق سىناستى. ساياساتكەرمەن مەكتەپتە بىرگە وقىعان جورا-جولداستارى اس بەرىپ، قۇران باعىشتادى. ەكى كۇنگە سوزىلعان ءىس-شارادا جۇرتشىلىق التىن ۇلدارىنىڭ اتىن ۇلىقتادى.

شاراعا التىنبەك اعالارىنىڭ ەسىمىن يەلەنگەن الپىستان استام جاس جەتكىنشەك ارنايى كەلىپتى. ارالارىندا دۇنيەگە ەندى كەلگەن ءسابي التىنبەكتەر دە بار ەكەن. ءتىپتى بۇلدىرشىندەردىڭ ءبىرىنىڭ ءاتى-جونى التىنبەك سارسەنباي ەكەنىنە كۋا بولدىق.

– التىكەنگە قاستاندىق جاسالعان كەزدە «ءالى ءجۇز التىنبەك، مىڭ التىنبەك ومىرگە كەلەدى» دەپ ەدىم. سول ءسوزىم راسقا اينالدى. بۇگىن ءبىز سونىڭ كۋاسى بولىپ وتىرمىز. كىشكەنتاي التىنبەكتەر تاۋ تۇلعالى اعالارى سياقتى ۇلتىن، مەملەكەتىن سۇيەتىن قايراتكەر بولسىن، – دەدى رىسبەك سارسەنباي ۇلى.

ر.سارسەنباي.

كىشكەنتاي التىنبەك.





ال بۇگىن – التىنبەك سارسەنباي ۇلىنىڭ تۋعان كۇنى. 2006 جىلى ساياسي قاستاندىقتىڭ قۇربانى بولماعاندا، 60 جاسقا تولار ەدى. ا.سارسەنباي ۇلىنىڭ تۋعان-تۋىستارى مەن ساياساتتاعى سەرىكتەرى زيرات باسىنا بارىپ، قۇران وقىدى.

– التىنبەك سارسەنباي ۇلىنىڭ ورنى ويسىراپ تۇر. التەكەڭ مىقتى يدەولوگ، تاماشا ستراتەگ ەدى. ورنىن ەشكىم تولتىرا العان جوق. سونىڭ سالدارىنان وپپوزيسيا تاراپ كەتتى. ءبىزدىڭ قوعامعا بۇگىن التىنبەكتەي ءىرى تۇلعالار اسا قاجەت، – دەدى جۋرناليست، ساياساتكەر ەرمۇرات باپي.

ا.سارسەنباي ۇلىنىڭ مەرەيتويىنا قاتىستى شارالار الداعى ۋاقىتتا دا جالعاساتىن بولادى.