ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

التىن-وردا مەن بارلىق بازارى قيراتىلادى

12 قىركۇيەك 2022 84
الماتى قالاسى ءماسليحاتىنىڭ حXV سەسسياسى بارىسىندا قالا اكىمى ەربولات دوسايەۆ وڭتۇستىك استانانىڭ دامۋ جوسپارىن جاريا ەتتى. ونىڭ ايتۋىنشا، 2030 جىلعا قاراي الماتىدا بەس جاڭا پوليورتالىق پايدا بولادى، دەپ حابارلايدى الاش.كز


ءماسليحات سەسسياسىندا اكىمدىك وكىلدەرى جوسپاردى قۇرۋ كەزىندە توكيو، لوندون سياقتى الەمدەگى ءىرى قالالاردىڭ تاجىريبەسىنە سۇيەنگەندەرىن جەتكىزدى. جوسپار بويىنشا 2030 جىلعا دەيىن الماتىدا بەس جاڭا پوليورتالىق پايدا بولادى. بۇعان قالا بيۋدجەتىنەن 6،1 تريلليون تەڭگە قاراستىرىلعان. اكىمنىڭ ايتۋىنشا، بۇل قاراجاتتىڭ 55 پايىزىن جەكە ينۆەستورلار بولەدى.




جوسپارعا سايكەس، جەتىسۋ جانە تۇركسىب اۋداندارىنان بازارلار مەن ونەركاسىپتىك كاسىپورىندار قالا سىرتىنا كوشىرىلەدى. ال ولاردىڭ ورنىنا جاڭا ىقشاماۋداندار مەن دەمالىس ورىندارى سالىنادى. ال قۇلجا تراكتىنىڭ بويىندا جوعارى جىلدامدىقتا جۇرەتىن اۆتوبۋس جەلىلەرى ىسكە قوسىلادى. سونداي-اق ساياباق سالۋ جوسپارلانۋدا.




بورالدايدا الماتى 3 تەمىر جول ۆوكزالى سالىنسا، الماتى 2 بەكەتىنەن قونايەۆقا ەلەكتر پويىزى قاتىنايدى.




سونداي-اق سەسسيا بارىسىندا اتىشۋلى "التىن وردا" بازارى تۋرالى دا ءسوز بولدى. مامانداردىڭ ايتۋىنشا، قالانىڭ باس جوسپارىنا سايكەس، بازار كوتەرمە ساۋدا ورتالىعىنا اينالادى. ال "بارلىق" بازارىنىڭ ورنىنا مەترو ستانسيالارى، جۇردەك اۆتوبۋس جەلىلەرى مەن تەمىرجول ۆوكزالى بولادى.

بۇل ماقالا تۋرالى نە ويلايسىز؟