ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جاڭاوزەندە “وزەنمۇنايگاز” مەردىگەر مەكەمەسىنىڭ جۇمىسشىلارى 10 كۇننەن بەرى ەرەۋىلدەپ جاتىر

23 مامىر 2022 59
[ad_1]



جاڭاوزەندە “وزەنمۇنايگاز” كومپانياسىنا قىزمەت كورسەتەتىن "ترۋبرەمسەنتر" مەكەمەسىنىڭ جۇمىسشىلارى ەرەۋىلدەپ جاتقانىنا ون كۇن بولدى. ولار ەڭبەك قاۋىپسىزدىگىن ساقتاۋدى، جالاقىنى كوتەرۋدى، وزدەرىن قۋدالاماۋدى، زاڭسىز جۇمىستان شىعارعانداردى جۇمىسقا الۋدى تالاپ ەتەدى.

"ترۋبرەمسەنتر" ج ش س جۇمىسشىلارى جاڭاوزەندەگى مەكەمە عيماراتى الدىنا ەكى كيىز ءۇي تىككەن. ولار جۇمىس بەرۋشى تالاپقا نازار اۋدارۋ ورنىنا جۇمىسشىلاردى جۇمىسقا شىعارماي، ەڭبەكاقاسىنىڭ جارتىسىن عانا تولەپ، مەكەمە قۇرال-جابدىقتارىن مودەرنيزاسيالاماق بولعانىن ايتادى.


- بۇگىن ون كۇن بولدى. 13 مامىردان بەرى كيىز ۇيدە وتىرمىز. “ومىرگە ءقاۋىپتى قۇرال جابدىقپەن جۇمىس ىستەمەيمىز” دەگەن تالاپتى ەرەۋىل دەپ تانىپ سوتقا دا بەردى. نە بيلىكتەن، نە جۇمىس بەرۋشى تاراپتان ەشكىم كەلمەدى. 112 ادام ءجۇرمىز. ءبىزدى قورقىتىپ، قىسىم كورسەتىپ جۇمىستان شىعارتىن باسشىنىڭ جۇمىستان كەتۋىن، قۇرال- جابدىقتى جاڭالاۋىن، جالاقىنى كوتەرۋدى تالاپ ەتىپ ءار جۇمىسشى جەكە ارىز جازدى. ول باس پروكۋراتۋراعا دا، ەڭبەك مينيسترلىگىنە دە، جەرگىلىكتى ورىندارعا دا جىبەرىلدى، - دەيدى وسى مەكەمەنىڭ كاسىپوداق جەتكشىسى باقىتجان مەرەتامانوۆ.


ونىڭ سوزىنشە، جۇمىسشىلار الدىمەن 24 ناۋرىزدا ۇجىمدىق ارىز جازىپ، تالاپتارىن حاتپەن جولداعان. تاتۋلاسۋ، اربيتراج كوميسسيالار جيىنى دا وتكەن.


- 50% جالاقى تولەپ “مەكەمە جۇمىسىن توقتاتىپ، قۇرال-جابدىقتاردى جاڭارتامىز” دەگەن بۇيرىق شىعاردى. ءبىراق ءىس جۇزىندە ەشتەڭە جاسالىپ جاتقان جوق. بىزگە بىلتىر “وزەنمۇنايگاز” جۇمىس اۋقىمىن بەرسە جالاقى كوتەرەمىز” دەگەن، ول ۋادە دە جايىنا قالدى، -دەيدى ول.


ازاتتىق ءتىلشىسى “ترۋبرەمسەنتر” ج ش س ديرەكتورى نۇرلان يششانوۆقا حابارلاسقان ەدى. ول جينالىستا وتىرعانىن، كەيىن حابارلاساتىنىن ايتقانىمەن قايتا جاۋاپ بەرمەدى.


“ترۋبرەمسەنتر” ج ش س “وزەنمۇنايگازدىڭ” ۇڭعىمالارىن جۋۋ، تازالاۋمەن اينالىسادى. وندا 150 ادام ەڭبەك ەتەدى.


“ماڭعىستاۋمۇنايگاز” كومپانياسىنىڭ ءۇڭعىمالارىن جوندەۋمەن اينالىساتىن تاعى ءبىر كومپانيا “وڭتۇستىك شىعىس سەرۆيستىك توبى” مۇنايشىلارى دا جالاقى تالابىن قويعاندارى ءۇشىن قۋدالانىپ جاتقاندارىن ايتادى. ولار ماڭعىستاۋ وبلىسى اكىمدىگىنە بارىپ وزدەرىن قۋدالامۋدى، جالاقىلارىن ازايتپاۋدى سۇراپ جاتىر.


بۇعان دەيىن “وزەنمۇنايگازعا” قىزمەت كورسەتەتىن “كەزبي” مەكەمەسى مۇنايشىلارى دا اي بويى جۇمىستى توقتاتىپ، جالاقىنى كوتەرۋدى تالاپ ەتكەن. “كەزبيدىڭ” 26 جۇمىسشىسى نۇر- سۇلتانعا كەلىپ ەڭبەك مينيسترلىگى مەن “قازمۇنايگاز” الدىنا ءبىر اپتا تۇنەگەن سوڭ، جالاقىلارىن 20 پايىزعا كوتەرىپ، ەڭبەك كەلىسىم-شارتىن الۋعا، “وزەنمۇنايگازداعى” بوساعان جۇمىس ورىندارىنا جۇمىسقا الۋ ءتارىزدى كەي تالاپتارىنا قول جەتكىزگەن. “كەزبي” مەكەمەسى مۇنايشىلارى 18 مامىردا ەرەۋىلدە توقتاتىپ، جۇمىسقا شىققان.





[ad_2]

دەرەككوز
بۇل ماقالا تۋرالى نە ويلايسىز؟