ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستان بيۋدجەتىنە 220 ميلليارد تەڭگە قايتارىلدى

24 مامىر 2022 56
 



قاسىم-جومارت توقايەۆ سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى ولجاس بەكتەنوۆتى قابىلدادى.

پرەزيدەنتكە سىبايلاس جەمقورلىققا قارسى ءىس-قيمىلعا قاتىستى قابىلدانىپ جاتقان شارالار جونىندە ەسەپ بەرىلدى.اگەنتتىك ءتوراعاسى بيىلعى 5 ايدىڭ ىشىندە سىبايلاس جەمقورلىققا قاتىستى 1000-نان استام قىلمىستىق ءىس تىركەلگەنىن ايتتى. 600-دەن استام لاۋازىمدى تۇلعانىڭ جەمقورلىق ارەكەتى اشكەرەلەنگەن. ولاردىڭ 110-ى – ءارتۇرلى دەڭگەيدەگى باسشىلار.
– ولجاس بەكتەنوۆ مەملەكەتكە كەلتىرىلگەن زالالدىڭ وتەلۋىن قامتاماسىز ەتۋ جونىندەگى پرەزيدەنت تاپسىرماسىنىڭ ورىندالۋ بارىسى تۋرالى مالىمەت بەردى. جىل باسىنان بەرى ەل بيۋدجەتىنە 220 ميلليارد تەڭگەدەن استام قارجى قايتارىلدى، – دەلىنگەن حابارلامادا.

كەزدەسۋ سوڭىندا قاسىم-جومارت توقايەۆ سىبايلاس جەمقورلىققا قارسى جۇمىستاردى كۇشەيتۋ جونىندە ءبىرقاتار ناقتى تاپسىرما بەردى







دەرەككوز
بۇل ماقالا تۋرالى نە ويلايسىز؟