ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

“جاڭا ادامدار” قوزعالىسىنىڭ جەتەكشىسى: ءبىز ەشكىممەن الامانعا تۇسپەيمىز، ءبىزدىڭ باعىت بولەك

07 قاڭتار 2024 51
ءار جىلدىڭ باسىندا وتكەن جىلدا جاساعان ىستەرىڭ مەن كورسەتكەن ناتيجەلەرىڭە باعا بەرۋگە تىرىساسىڭ. وسى ورايدا “جاڭا ادامدار” قوزعالىسىنىڭ جەتەكشىسى مەن قاتىسۋشىلارى «ARMAN ABDOLLA» YouTube كانالىنا سۇحبات بەرىپ، وزدەرىن جانە اتقارعان جۇمىستارىن تولىق تانىستىرىپ شىقتى.

https://youtu.be/_eJGenpofTw؟si=PhKt2V6m8-IOYuLb

ەلىمىزدە “جاڭا ادامداردان” بولەك بۇرىننان جۇمىس ىستەپ كەلە جاتقان بىرنەشە قوزعالىس بار. ال “جاڭا ادامدار” سول قوزعالىستاردان نەسىمەن ەرەكشەلەنەدى؟ اسەل بادەنوۆا وسى ساۋال توڭىرەگىندە بىلايشا جاۋاپ بەردى.

“مەن سالىستىرمالى تۇردە اناليز جۇرگىزگەن جوقپىن. ويتكەنى ءبىزدىڭ وزىندىك جولىمىز بار. ءبىز ەشكىممەن الامانعا تۇسپەيمىز”.

قوزعالىس جەتەكشىسىنىڭ سوزىنشە، “جاڭا ادامداردىڭ” العان باعىتى مۇلدەم بولەك.

“بىزگە دەيىن قۇرىلىپ، جۇمىس ىستەگەن قوزعالىستاردىڭ فورماتى مۇلدەم باسقاشا. ولار سول كەزدەگى جاعداي قانشالىقتى مۇمكىندىك بەرسە، سونشالىقتى جۇمىس ىستەدى. ال ءقازىر جاڭا قازاقستان تۋرالى ايتاتىن بولساق، وندا وڭ وزگەرىستەر وتە كوپ. ماسەلەن بۇگىنگىنىڭ جاستارى ۇنەمى دامۋ ۇستىندە سونداي-اق ولاردىڭ بەلىگىلى ءبىر ماسەلەلەرگە دەگەن وزىندىك قالىپتاسقان كوزقاراسى بار. سونىمەن قاتار كوبى ويلاعانداي قازىرگى جاستار ساياساتتان بەي-حابار ەمەس. مىنە، “جاڭا ادامدار” ۇسىناتىن فورمات وسىنداي”.

اسەل بادەنوۆانىڭ ايتۋىنشا، ەلىمىزدە جۇمىسىن جالعاستىرىپ كەلە جاتقان قوزعالىستار جاڭا ناتيجەلەرگە قول جەتكىزبەسە، ولار جاڭا قازاقستانعا ساي فورماتتا ەڭبەك ەتىپ جاتىر دەۋگە كەلمەيدى.
بۇل ماقالا تۋرالى نە ويلايسىز؟