ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

يزرايل يرانعا جاۋاپ رەتىندە شابۋىل جاساۋدان باس تارتتى

14 ءساۋىر 2024 336

يزرايل يرانعا قارسى شابۋىلدان باس تارتتى، دەپ حابارلايدى Alash.KZ ۇلتتىق پورتالى. 

مۇنداي شەشىم نەتانياحۋ مەن بايدەننىڭ تىلدەسۋىنەن كەيىن قابىلداندى. 

پرەمەر-مينيستر بەنيامين نەتانياحۋ اقش باسشىسى دجو بايدەنمەن تەلەفون ارقىلى سويلەسكەننەن كەيىن يزرايل يرانعا قارسى سوققىدان باس تارتتى، دەپ حابارلادى New York Times.

باسىلىمنىڭ حابارلاۋىنشا، ءيزرايلدىڭ اسكەري شەنەۋنىكتەرى ودان ءارى بۇل شەشىمدى تالقىعا سالۋدى جالعاستىرادى. يراننىڭ 14 ساۋىردەگى اسكەري وپەراسياسىن جان_جاقتى قاراستىرادى. 

سونىمەن قاتار،ەستەرىڭىزدە بولسا، يزرايل ءسىم تاراتقان مالىمدەمەدە ەلدىڭ قورعانىسقا دا شابۋىلعا دا دايىن ەكەنى ايتىلعان ەدى. 

"يزرايل قورعانىسقا دا، شابۋىلعا دا، ياعني كەز-كەلگەن سەنارييگە دايىن. بىزگە شابۋىل جاساعاندارعا نەمەسە كەز كەلگەن شابۋىل جاساۋدى جوسپارلاۋشىلارعا قارسى سوققى بەرەمىز. يران ءوز ىس-ارەكەتى جانە يزرايلگە، سونداي-اق ازات الەمگە قارسى لاڭكەستەردى قولدانۋ ارقىلى جاعدايدى تۇراقسىزداندىرىپ، ايماقتاعى بەيبىتشىلىككە ءقاۋىپ توندىرەدى"، دەلىنگەن رەسمي مالىمدەمەدە. 

سونداي-اق يراننىڭ ءيزرايلدى جويۋعا كۇش سالاتىنى حابارلانىپ، حالىقارالىق قاۋىمداستىق بۇل باسسسىزدىققا بەي-جاي قاراماۋى قاجەت ەكەندىگى دە ءسوز بولعان:

"الەمدەگى ءبىر دە ءبىر ەل ءوز ومىرىنە تونگەن قاۋىپ-قاتەرگە توتەپ بەرمەي وتىرا المايدى. اقش پەن باتىس دەرجاۆالارى ءيزرايلدى قولدايدى. حالىقارالىق قاۋىمداستىق ءقازىر يرانعا توسقاۋىل قويۋى كەرەك، وعان تەرروريستىك ارەكەتتەرىن جالعاستىرۋىنا، يزرايل مەن ايماققا ءقاۋىپ توندىرۋىنە جول بەرمەۋى كەرەك. بۇكىل الەمدەگى بەيبىتشىلىككە ءقاۋىپ توندىرەتىن رەجيمدە يادرولىق قارۋدىڭ بولۋىنا جول بەرىلمەۋى ءتيىس".
ال يران ءسىم وكىلدەرى بۇل شابۋىلدى 1 ساۋىردە سيريا ۇكىمەتىنىڭ شاقىرۋى بويىنشا قىزمەت ەتىپ جۇرگەن يراننىڭ اسكەري كەڭەسشىلەرىن وسى ەلدە ءشاھيد قىلۋىنا بەرىلگەن جاۋاپ دەپ اتادى. مۇنىمەن قوسا، پالەستينا حالقىنا قارسى زاڭسىز جانە گەنوسيدتىك ارەكەتتەرىنىڭ جانە ونىڭ كورشىلەس مەملەكەتتەرگە تالاي اسكەري اگرەسسيالارىنىڭ، ايماقتا جانە ودان تىس جەرلەردە سوعىس تاراتۋدى جالعاستىرىپ جاتقان جاعدايداعى يراننىڭ ايماقتىق جانە حالىقارالىق بەيبىتشىلىك پەن قاۋىپسىزدىككە جاۋاپتى كوزقاراسى ەكەندىگىن مالىمدەدى.
"يران يسلام رەسپۋبليكاسى كەز كەلگەن زاڭسىز كۇش قولدانۋ مەن اگرەسسيالىق ارەكەتتەردەن ءوزىنىڭ ەگەمەندىگى، اۋماقتىق تۇتاستىعى مەن ۇلتتىق مۇددەلەرىن قورعاۋعا دەگەن تاباندىلىعىن قۋاتتايدى... قاجەت بولعان جاعدايدا يران يسلام رەسپۋبليكاسى ءوزىنىڭ زاڭدى مۇددەلەرىن كەز كەلگەن اسكەري اگرەسسيالىق ارەكەتتەر مەن زاڭسىز كۇش قولدانۋدان قورعاۋ ءۇشىن قوسىمشا قورعانىس شارالارىن قابىلدايتىن بولادى"، دەلىنگەن حابارلامادا. 

ەستەرىڭىزدە بولسا، يراننىڭ يزرايلگە شابۋىلىن جاسادى. يران قارۋلى كۇشتەرى باس شتابىنىڭ باسشىسى مۇحاممەد باگەري بۇل وپەراسيا ءساتتى ءوتتى دەپ مالىمدەدى.

بۇل ماقالا تۋرالى نە ويلايسىز؟