ماڭعىستاۋ وبلىسىندا ءتورتىنشى سىنىپ وقۋشىسى جيناعان اقشاسىن جىلىوي اۋدانىنداعى سۋ تاسقىنىن زارداپ شەككەن وتانداستارىنا جولدادى، دەپ حابارلايدى Alash.KZ ۇلتتىق پورتالى.
حالقىنىڭ ارقاسۇيەرى، ەلىنىڭ ازاماتى ەسەبىندە ەر جەتىپ كەلە جاتقان اقشۇقىر اۋىلىتىنىڭ كىشكەنتاي تۇرعىنى ءوز قاراجاتىن جىلىوي اۋدانىنداعى سۋ تاسقىنىن زارداپ شەككەن وتانداستارىنا جولدادى. ءتورتىنشى سىنىپتا وقيتىن نۇراسىل يگىلىك ۇلى ەرىكتىلەردىڭ قۇلسارى جالقىنا جىلۋ جينايتىنىن ەستىگەن بويدا قوبديشاعا جيناپ جۇرگەن بار اقشاسىن اپارىپ بەرگەن.
انام بەرگەن اقشامدى قوبديشاعا جيناي بەردىم. اتىراۋداعى قيىن جاعدايدى ەستىدىم دە، اقشا جيناپ جۇرگەن قوبديشامدى قولىما الىپ، ەرىكتىلەرگە اپارىپ بەردىم، - دەدى نۇراسىل.
حالقىنا دەگەن كوڭىلى تازا، نيەتى اق باتىر ەل العىسىنا بولەنىپ، ۇلكەندەردىڭ اق باتاسىن الدى. جەلى قولدانۋشىلارى "قولىنداعى بارىن ءبولىسىپ بەرۋگە دايار" باتىرعا: "وسىنداي بالا تاربيەلەپ وتىرعان اتا_اناسى، ۇستازدارىنا العىس!"، "جارايسىڭ ازامات! تىلەگىڭ قابىل بولسىن، ەلىمىز جەتى جۇتتان امان قالسىن!" دەپ جازۋدا.
