ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

حالىق تاسىپ كەتپەسىن، حالىق تاسىپ...

02 ءساۋىر 2024 268

ق ر جازۋشىلار جانە جۋرناليستەر وداعىنىڭ مۇشەسى قايىربەك شاعىر ەلدە بولىپ جاتقان سۋ تاسقىنىنا بايلانىستى ءوزىنىڭ تولعانىسىن جەتكىزدى. ساياسات ساعاتىنىڭ سىنىنا ادەبيەت الەمى دە رەنجۋلى.


"قالعاندا سۋ استىندا مومىن جاندار،

اقشانىڭ تاسقىنىنا شومىلعاندار،

ەل باسىنا كۇن تۋعان مىنا كۇندە،

ەتىكپەن سۋ كەشۋگە قورىنباڭدار.

 

ۋايىمداپ كەدەي ءجۇر عوي كرەديتىن،

ءوسىمقور ميىعىنان كۇلەدى ءيتىڭ.

حالىقتى كۇنكورىسكە بايلاپ قويسا،

قۇل قىلۋ وڭايلىعىن بىلەدى ءيتىڭ.

 

جارلىنىڭ موينىنا ارتىپ ايىپپۇلدى،

جەمقورلار ەل بايلىعىن عايىپ قىلدى.

اقشامەن ءبىرى باسىن اراشالاپ،

شەتەلگە تاعى ءبىرى تايىپ تۇردى.

 

سولار عوي جۇزدەپ-مىڭداپ كيىك اتقان،

اقشاسىن كازينوعا ءجيى شاشقان.

ءتالىم جوق، تامساناتىن ونەگە جوق،

جول تاپپاي جاس ۇرپاق ءجۇر ميى قاتقان.

 

ءاي، شەندى، اقىرىن ءجۇر، انىق باسىپ،

جاسىرىنباق ويناما، جارىققا شىق.

سۋ تاسىسا، سىڭەدى-اۋ ءبىر كۇن جەرگە،

حالىق تاسىپ كەتپەسىن، حالىق تاسىپ…


قايىربەك شاعىردىڭ ءوز facebook پاراقشاسىنان

بۇل ماقالا تۋرالى نە ويلايسىز؟