قاسىرەتتى قاڭتارعا قاتىسى بار دەگەن كۇدىككە ىلىنگەن وجەت سوت شەشىم بويىنشا 5 جىلعا سوتتالدى. ونىڭ اكەسى توقايەۆتان اراشا سۇرادى.
وجەتتىڭ اكەسىنىڭ ايتۋىنشا، ول بەيبىت شەرۋگە شىققان. ونى ارانداتۋشىلار بوپسالاپ، قولىنا قارۋ ۇستاتقان.
«مەنىڭ اتى ءجونىم جەڭىسحان اكرام ۇلى، الماتى قالاسى 18-تەرگەۋ اباقتىسىندا جاتقان جەڭىسحان وجەتتىڭ اكەسىمىن. مەنىڭ ۇلىم تەرروريست ەمەس! ەشقانداي ۇيىمعا، باسقا دا قىلمىسقا قاتىسى جوق! بەيبىت الاڭعا كوزقاراسىن ءبىلدىرۋ ءۇشىن بەيبىت شەرۋگە شىققان بولاتىن. سول كەزدە بىرەۋلەر قورقىتىپ، قارۋ كەزەپ، قولىنا قارۋ ۇستاتقان. ول قارۋدان ەشقانداي وق اتىلماعان. قاسىم-جومار كەمەل ۇلى ءبىز سىزدەن وسى بالاعا اراشا ءتۇسۋىڭىزدى سۇرايمىز! جاقىندا ءوزىڭىز سۇحبات بەرگەنىڭىزدە «جاڭا قازاقستان»، «ادىلەتتى قازاقستان» قۇرۋ جونىندە ايتقان ەدىڭىز. ءبىزدىڭ بالامىزعا ادىلەتسىز ۇكىم شىعارىلىپ وتىر. ءبىزدىڭ بالامىزعا ادىلەتتى شەشىم تاعايىنداپ، سوتتىڭ ادىلەتتى ۇكىم شىعارۋىن قالايمىز» دەدى سوتتالعان بالانىڭ اكەسى.
دەرەككوز
