«داريعا نازاربايەۆا كتك تەلەارناسىن ساتىپ جاتىر» دەگەن قاۋەسەت نەگىزسىز ەمەس، شىندىققا اينالا باستاعانعا ۇقسايدى.
بۇل تۋرالى «بەسسيمپتومنو» Telegram-ارناسى حابارلايدى.
اقپاننىڭ 28ء-ى كۇنى الماتىدا «كوممەرسيالىق تەلەارنا» اق اكسيونەرلەرىنىڭ كەزەكتەن تىس جالپى جينالىسى وتەدى.
كۇن ءتارتىبى:
- 1) «كتك» اق جاريالانعان اكسيالارىنىڭ سانىن ۇلعايتۋ.
- 2) «كتك» اق جاريالانعان اكسيالارىن شىعارۋ پروسپەكتىسىنە وزگەرىستەر ەنگىزۋ جانە وزگەرىستەردى ۋاكىلەتتى ورگاندا تىركەۋ.
ءبىرىنشى كەزدەسۋ وتپەسە، ەكىنشىسى 1 ناۋرىز كۇنىنە بەلگىلەندى.
«كتك» اق جاي اكسيالارىنىڭ سانىن كوبەيتىپ، سول ارقىلى نەگىزگى اكسيونەرلەردىڭ ءبىرىنىڭ ۇلەسىن سەيىلتۋى ىقتيمال. ياعني، وسىلايشا كتك تەلەارناسىنىڭ مەنشىك يەسىنىڭ اۋىسۋىنا اكەلىپ سوعۋى ابدەن مۇمكىن» دەلىنگەن حابارلامادا.
«كتك» اق-نىڭ نەگىزگى اكسيونەرى – 91،35% اكسياسى بار داريعا نازاربايەۆا باسقاراتىن «نۇرسۇلتان نازاربايەۆ قورى» جەكە قورى.
بۇعان دەيىن حابارلاعانداي، داريعا نازاربايەۆانىڭ 18 اقپاندا الماتىداعى كتك تەلەارناسىنا بارعانى تۋرالى اقپارات بولعان، ءبىراق ارنانىڭ ءوزى بۇل اقپاراتتى جوققا شىعاردى. ودان كەيىن، سەرگەي كيسەليەۆ «ەۋرازيا» ارناسىنان كەتىپ، «حابار» مەن كتك يەلەرى دە اۋىسادى دەگەن اقپارات شىقتى.
دەرەككوز
