ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ۋكراينا اسكەر سانىن ءۇش جىلدا 100 مىڭ ادامعا ۇلعايتپاق

02 اقپان 2022 114
ۋكراينا پرەزيدەنت ۆلاديمير زەلەنسكيي ەلدەگى قارۋلى كۇشتەر سانىن الداعى ءۇش جىلدا 100 مىڭ ادامعا ۇلعايتۋ تۋرالى جارلىققا قول قويدى. بۇل تۋرالى قازاقپارات ۋكرينفورم اقپارات اگەنتتىگىنە سىلتەمە جاساپ حابارلايدى.

قۇجات تۋرالى توعىزىنشى شاقىرىلعان جوعارعى رادانىڭ جەتىنشى سەسسياسىنىڭ اشىلۋىندا ايتىلدى.
«ۋكراينا پرەزيدەنتىنىڭ مەملەكەتتىڭ قورعانىس قابىلەتىن جانە اسكەري قىزمەتتىڭ تارتىمدىلىعىن نىعايتۋ تۋرالى جارلىعى ازىرلەندى. بۇل جارلىق بارلىق اسكەري قىزمەتشىلەردى ماتەريالدىق قامتاماسىز ەتۋدى ەڭ تومەنگى جالاقىنىڭ ءۇش مولشەرىنەن تومەن ەمەس دەڭگەيگە دەيىن ارتتىرۋدى كوزدەيدى. ۋكراينانىڭ كاسىبي ارميانىڭ نەگىزىنە كوشۋى، وفيسەرلەر مانسابىنىڭ ءوسۋى، سونداي-اق الداعى ءۇش جىلدا ۋكراينا قارۋلى كۇشتەرىنىڭ كاسىبي ارمياسىنىڭ 100 مىڭ ادامعا ۇلعايۋى ءۇشىن جۇيە ازىرلەندى»، - دەدى پرەزيدەنت. سونىمەن قاتار، ۋكراينا قارۋلى كۇشتەرىنىڭ قوسىمشا 20 بريگاداسىن قۇرۋ ماسەلەسى تۇر. «بۇل جارلىق ۋكراينانىڭ كاسىبي ارمياعا كوشۋىنىڭ باستاماسى بولىپ تابىلادى. بۇل جارلىق جاقىن ارادا سوعىس بولاتىنى ءۇشىن ەمەس، ۋكراينادا بەيبىتشىلىك بولۋى ءۇشىن جاسالعان»، - دەدى ۆلاديمير زەلەنسكيي.
بۇل ماقالا تۋرالى نە ويلايسىز؟