اقوردانىڭ باسپا ءسوز قىزمەتى ق ر پرەمەر - مينيستر قىزمەتىنە ولجاس بەكتەنوۆتىڭ كانديداتۋراسى ۇسىنىلعانىن مالىمدەدى.
قولدانىستاعى زاڭناماعا سايكەس، مەملەكەت باسشىسى ۇسىنىلعان كانديداتۋرانى ماجىلىستەگى پارتيالاردىڭ فراكسيالارىمەن جۋىق ارادا تالقىلايدى، دەلىنگەن حابارلامادا.
سونىمەن، ۇكىمەت باسشىلىعىنا ۇسىنىلعان ولجاس بەكتەنوۆ كىم؟
ولجاس بەكتەنوۆ 1980 جىلى 13 جەلتوقساندا الماتى قالاسىندا دۇنيەگە كەلگەن. ماماندىعى - زاڭگەر.
2001 جىلى - قازاق مەملەكەتتىك زاڭ اكادەمياسىن بىتىرگەن.
ەڭبەك ءوتىلى:
2002-2005 جج. – الماتى قالاسى ادىلەت باسقارماسىندا باس مامان.
2005-2006 جج. – ق ر پرەمەر-مينيسترى كەڭسەسىندە زاڭ ءبولىمىنىڭ باس ساراپشىسى.
2006-2009 جج. – ق ر پرەزيدەنتى اكىمشىلىگىندە قىزمەت ەتكەن.
2009-2012 جج. – ق ر ادىلەت مينيسترلىگىنىڭ تىركەۋ جانە قۇقىقتىق العاشقى كومەك كورسەتۋ قىزمەتى كوميتەتى ءتورعاسىنىڭ ورىنباسارى.
2012-2014 جج. – ق ر ەكونوميكالىق قىلمىس جانە سىبايلاس جەمقورلىق قارسى كۇرەس اگەنتتىگى ورتالىق اپپاراتىندا دەپارتامەنت باسشىسى.
2015-2016 جج . – استانا قالاسى اكىمىنىڭ اپپارات باسشىسى، ق ر پرەزيدەنتى اكىمشىلىگى باسشىسى حاتشىلىعىنىڭ مەڭگەرۋشىسى.
2016-2017 جىلدارى – استانا قالاسى بويىنشا سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ (سىبايلاس جەمقورلىققا قارسى قىزمەت) باسشىسى.
2017 جىلعى شىلدەدەن باستاپ اقمولا وبلىسى اكىمىنىڭ ورىنباسارى.
2018 جىلعى 1 ماۋسىمنان – 2019 جىلدىڭ 20 ماۋسىمىنا دەيىن قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى.
2019 جىلعى 26 ماۋسىمنان باستاپ – قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى.
2022 جىلعى 25 اقپاندا قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەت) ءتوراعاسى بولىپ تاعايىندالدى.
2023 جىلعى 3 ساۋىردە قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالدى.
سونىمەن قاتار، 2-دارەجەلى «ايبىن»، 2-دارەجەلى «داڭق» وردەندەرىمەن ماراپاتتالعان.
سىبايلاس جەمقورلىققا قارسى قىزمەتىنىڭ گەنەرال-لەيتەنانتى.
فوتو: Amanat پارتياسى
