ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

تورەعالي تورەالى 10 ملن تەڭگەمەن بوساتىلدى

03 قازان 2022 57
«كولساي« ۇلتتىق ساياباعى اۋماعىندا گيدتى سوققىعا جىققانى ءۇشىن قاماۋعا الىنعان ءانشى تورەعالي ءتورالى كەپىلدىكپەن بوساتىلادى.

اقپاراتتى الماتى وبلىسى كەگەن اۋداندىق سوتىنىڭ باسپا ءسوز قىزمەتى راستادى.

 
«كەگەن اۋدانى سوتىنىڭ قاۋلىسىمەن قىلمىستىق كودەكستىڭ 293-بابى «بۇزاقىلىق» بويىنشا كۇدىككە ىلىنگەن تورەعالي ءاليحانوۆ 10 ميلليون تەڭگە كەپىلدىكپەن تەرگەۋ يزولياتورىنان بوساتىلادى» دەلىنگەن حابارلامادا.

ەسكە سالساق، الماتى وبلىسىنىڭ پوليسياسى ءانشى تورەعالي ءتورالىنىڭ گيدتى ۇرىپ-سوققانى تۋرالى ينتەرنەتتە جاريالانعان جازبادان كەيىن ءىس قوزعادى.

وقيعا 28 قىركۇيەكتە «كولساي كولدەرى» ۇلتتىق ساياباعى اۋماعىندا ورىن العان.

قىلمىستىق ءىستىڭ تەرگەلۋ بارىسى مەن ناتيجەسى الماتى وبلىسى پوليسيا دەپارتامەنتى باسشىلىعىنىڭ باقىلاۋىنا الىندى.
بۇل ماقالا تۋرالى نە ويلايسىز؟