ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

توقايەۆ كەلەسى سايلاۋدا جەڭىسكە جەتۋ ءۇشىن نە ىستەۋ كەرەك؟

22 اقپان 2022 123

«قازاقستاننىڭ دەموكراتيالىق تاڭداۋى» قوزعالىسىنىڭ بۇرىنعى مۇشەسى، «اق جول» پارتياسىنىڭ قۇرىلتايشىسى ءاليحان بايمەنوۆ پرەزيدەنت توقايەۆتىڭ كەلەسى سايلاۋداعى مۇمكىندىگى تۋرالى ايتتى.

ءاليحان بايمەنوۆ «Qasqa Jol» باعدارلاماسىنا بەرگەن سۇحباتىندا توقايەۆ قاڭتار وقيعالارىنان ساباق السا، ونىڭ ەكىنشى رەت پرەزيدەنت بولۋىنا مۇمكىندىك كوبەيەدى دەپ سەنىم ءبىلدىردى.

«ءقازىر حالىقتىڭ ءۇمىتى كوپ. قاڭتارداعى قايعىلى وقيعالار كەزىندە قۇربان بولعانداردىڭ جاقىندارىن ءقازىر جۇباتۋ مۇمكىن ەمەس. ءبىراق «ولار جاڭا قازاقستان قۇرۋعا جول اشىپ بەردى» دەپ كەيىن ۇرپاقتار ايتا الۋى كەرەك. ولاردىڭ ۇرپاقتارى «مەنىڭ اتام ادىلەت، ابىروي ءۇشىن شىقتى»، «مەنىڭ اتام تاۋەلسىز قازاقستان ءۇشىن شىقتى»، «مەنىڭ اتام ءوزىنىڭ جانىن قۇرباندىققا ءتۇيىپ، قازاقستانعا وڭ وزگەرىستەردى باستاپ بەردى» دەي الۋى كەرەك.

ءقازىر ولاردىڭ ارۋاقتارىنىڭ الدىنداعى پارىزىمىز –رەفورمالار جۇرگىزۋ. شامالىدان كەيىن قايتادان اناۋ قورعا 10-15 ملرد بەرگەندەر بۇرىنعى ءرولىن وينايتىن بولسا، سول ارقىلى وزىنە جاعدايىن ساتىپ السا، وندا قيىن بولادى.

سول سەبەپتەن ول سايلاۋداعى مۇمكىندىگى ءوزىنىڭ وسى جىلدارداعى باتىل رەفورمالارىنا بايلانىستى. ونىڭ ىشىندە ساياسي رەفورمالار، ءادىل سايلاۋدى ەنگىزۋ، ءسوز بوستاندىعىمەن قامتاماسىز ەتۋ جانە ەكونوميكاداعى، مەملەكەت باسقارۋداعى، اقپارات جۇيەسىندەگى رەفورمالار» دەدى بايمەنوۆ.

ءاليحان بايمەنوۆ دەگەن كىم؟

ايتا كەتسەك، ءاليحان بايمەنوۆ – «قازاقستاننىڭ دەموكراتيالىق تاڭداۋى» قوزعالىسىنىڭ بۇرىڭشى مۇشەسى، بولات ءابىلوۆ، وراز جاندوسوۆ پەن بىرگە «اق جول» پارتياسىن قۇردى. 2005 جىلدىڭ باسىنا قاراي التىنبەك سارسەنبايەۆ «اق جول» پارتياسىنا مۇشە بولدى. وسىلاي، پارتيانىڭ بەس تەڭ ءتوراعاسى بولدى: ءابىلوۆ، جاندوسوۆ، سارسەنبايەۆ، بايمەنوۆ جانە جۇلانوۆا.

ءۇش جىلدان كەيىن پارتيا ەكىگە ءبولىندى –  «ناعىز اق جول» جانە «اق جول».

2004 جىلدىڭ قىركۇيەگىندە بايمەنوۆ پارلامەنتتىك سايلاۋدا «اق جول» پارتياسىنىڭ ءتىزىمىن باسقاردى. بۇل تىزىمدەرگە سايكەس، پارتيا سول كەزدەگى ءىس جۇزىندە بارلىق ساراپشىلار مالىمدەگەندەي، شامامەن 30% داۋىس جينادى، رەسمي تۇردە ولار 12% داۋىس بەردى. بايمەنوۆ نارازىلىق رەتىندە دەپۋتاتتىق مانداتتان باس تارتتى.

2005 جىلى پرەزيدەنتتىك سايلاۋعا قاتىستى. سايلاۋدا 1،61% داۋىس جينادى. 2006 جىلى ءماجىلىس دەپۋتاتى بولدى. 2011 جىلى ول «اق جول» پارتياسىنىڭ ءتوراعا لاۋازىمىن ازات پەرۋاشيەۆكە بەردى.

2011 جىلدىڭ شىلدەسىندە مەملەكەتتىك قىزمەت ىستەرى اگەنتتىگىنىڭ باسشىسى بولىپ تاعايىندالدى.

2014 جىلدىڭ قىركۇيەگىندە ءاليحان بايمەنوۆ وبلىستىق حالىققا قىزمەت كورسەتۋ حابىنىڭ باسقارۋشى كوميتەتىنىڭ ءتوراعاسى بولىپ تاعايىندالدى. حاب – مەملەكەتتىك قىزمەت اگەنتتىگى مەن بىرىككەن ۇلتتار ۇيىمىنىڭ دامۋ باعدارلاماسى بىرلەسىپ جاساعان جوبا. مەملەكەتتىك قىزمەت سالاسىندا ۇزدىكسىز ءبىلىم مەن تاجىريبە الماسۋ ماقساتىندا جوبا قۇرۋ تۋرالى كەلىسىمگە 2012 جىلدىڭ جەلتوقسان ايىندا قول جەتكىزىلگەن بولاتىن.

مارقۇم التىنبەك سارسەنبايەۆتىڭ ايتۋىنشا، ءاليحان بايمەنوۆ قدت قاتارىندا پرەزيدەنت نازاربايەۆتىڭ «كوزى» بولدى.

[embed]https://www.youtube.com/watch؟v=PFHTBGcBDlQ[/embed]



دەرەككوز
بۇل ماقالا تۋرالى نە ويلايسىز؟