ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ءتىلى بولەك بولعانمەن، تىلەگى ءبىر

02 مامىر 2022 168
«1-مامىر – قازاقستان حالقى بىرلىگى كۇنى» قارساڭىندا، ناقتىراق ايتقاندا 29ء-ساۋىر كۇنى الماتى قالاسى بويىنشا قاج دەپارتامەنتىنە قاراستى لا-155/18 مەكەمەسىنىڭ شارۋاشىلىق قىزمەت كورسەتۋ جاساعىندا مەرەكەلىك ءىس-شارا ۇيىمداستىرىلدى.



قازاقستاندى مەكەندەگەن جۇزدەگەن ۇلت وكىلى ءبىر شاڭىراقتىڭ استىندا ىنتىماعى جاراسىپ بىرگە ءومىر ءسۇرىپ كەلەدى. ءجۇزى باسقا بولعانمەن جۇرەگى ءبىر، ءتىلى باسقا بولعانمەن تىلەگى ءبىر، ماقساتى مەن مىندەتى ورتاق، بىرلىگى مىقتى، دوستىعى بەرىك ءار ۇلت وكىلدەرى قازاق ەلىنىڭ سالت-داستۇرىنە، ۇلتتىق قۇندىلىقتارىنا قۇرمەتپەن قارايدى. تاۋەلسىزدىكتەن بەرى قانشاما قيىن كۇندەردى، قانشاما جاقسى ساتتەردى ءار ۇلت حالقى بىرگە قارسى الىپ كەلە جاتىر. مۇنىڭ ءبارى وتانى ءبىر قازاقستان دەگەن ۇلى حالىقتىڭ داستۇرگە اينالىپ كەتكەن ءىسى.



مەرەكەلىك ءىس شارا سوتتالعاندار دايىنداعان كونسەرتتىك باعدارلامالارمەن جالعاستى. شارۋاشىلىق جاساعىنداعىلار ءوز ونەرلەرىن بارىنشا ىقىلاسپەن قويدى. شىمىلدىق اشىلىسىمەن ەڭ العاشقى ونەر كورسەتكەن ازامات ەسكەندىر حاسانعالييەۆتىڭ «اتامەكەن» انىمەن باستادى كەشتى. سونىمەن بىرگە، تۇزەتۋ مەكەمەسىندەگىلەر قازاق حالقىنىڭ قاراپايىمدىلىعىن، جومارتتىعىن، قوناقجايلىعىن كورسەتەتىن قويىلىمدار قويدى. ناقتىراق ايتقاندا قازاق حالقىنىڭ قوناقتى قارسى الۋ، كۇتۋ، شىعارىپ سالۋ ءداستۇرى كورسەتىلگەن. ياعني ورىس ۇلتىنىڭ وكىلدەرىن قارسى الۋ شاراسى ساحنالانعان. ودان كەيىن قازاق ورىس ۇلتىنىڭ وكىلدەرى وزدەرىنىڭ ريزاشىلىقتارىن ءبىلدىرۋ ءۇشىن جاساعان ءارتۇرلى تاعامداردى قازاقتارعا ۇسىنادى. وسىنداي كورىنىستەر قويىلعان. بۇل بۇگىن ساحنادا قويىلعانمەن، ومىردەن الىنعان كارتينا ەكەنى داۋسىز.

كونسەرتتىك شارا مۇنىمەن بىتپەدى. قوناققا كەلگەن تاتار ۇلتىنىڭ وكىلىنە قازاق حالقىنىڭ ءداستۇرىن تانىستىرۋ، تاريحىن ءتۇسىندىرۋ سياقتى كورىنىستەر كورسەتىلدى. بۇل جولعى ءىس-شارا بۇرىنعى وتكەن مەرەكەلىك كونسەرتتەردەن قىزىقتى ءارى تارتىمدى وتكەنى قاتىسۋشىلاردىڭ كوزدەرىنەن كورىنىپ تۇردى. مەرەكەلىك شارانىڭ ءتۇيىنى «زدراۆستۆۋي، ستوليسا» انىمەن اياقتادى.

 

 
بۇل ماقالا تۋرالى نە ويلايسىز؟