پارلامەنت ماجىلىسىندەگى 27 ساۋىردەگى مەملەكەتتىك ءتىل تۋرالى زاڭ قابىلداۋ، كونستيتۋسيانىڭ 7ء-شى بابىن وزگەرتىپ، مەملەكەتتىك ءتىلدىڭ ستاتۋسىن جەكە دارا ايقىنداۋ، ەلىمىزدىڭ اقپارات الاڭىن شەتەل تەلەارنالارىنان تازارتۋ، ءبىزدىڭ ەلگە كورشىلەس ەلدەردەن اعىلىپ جاتقاندارعا توسقاۋىل قويۋ ماقساتىندا قازاقستان ازاماتتىعىن الۋ ءۇشىن قازاق ءتىلى مەن ەل تاريحىنان ەمتيحان تاپسىرۋ تۋرالى ق ر پارلامەنتى ءماجىلىسى دەپۋتاتى، «اق جول» فراكسياسى مۇشەسى، اقىن قازىبەك يسانىڭ دەپۋتاتتىق ساۋالىن قولداپ، 107 دەپۋتاتتىڭ 38 دەپۋتاتى قول قويدى.
بەلگىلى جۋرناليست ساۋلە مەشىتباي قىزىنىڭ وسى ماسەلە توڭىرەگىندە قويعان ساۋالىنا دەپۋتات قازىبەك يسا جاۋاپ بەردى.
«ساۋلە مەشىتباي قىزى، دۇرىس ايتاسىز اپاي، مەن بۇلارعا، “وسى قولدايدى-اۋ” دەگەن دەپۋتاتتاردىڭ بارلىعىنىڭ تەلەفوندارىنا جەكە جازىپ جىبەرىپ، ەكى كۇن كۇتتىم. كەيبىرى جاۋاپ بەرمەي قۇتىلدى، كەيبىر قازاق دەپۋتاتتار قازاق ءتىلى تۋرالى دەپۋتاتتىق ساۋالدى قولداۋدان باس تارتتى.
وزگە ۇلت وكىلدەرى شيپوۆسكيح، پلاتونوۆ، سمىشليايەۆا، يلياس بۋلاروۆ، ابيلفاس حامەدوۆ، قاراتايەۆتاردان باستاپ مەملەكەتتىك ءتىلدى قولداپ، وتانشىلدىق رۋحىن كورسەتىپ جاتقاندا قازاق دەپۋتاتتاردىڭ بۇعىپ قالعانى ارينە، وتە وكىنىشتى!» – دەپ جازدى دەپۋتات.
دەرەككوز
