ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

تاتارستان بيلىگى وقۋشىلاردى قارۋ جاسايتىن زاۋىتتارداعى جۇمىستا جەكپەكشى

17 ءساۋىر 2024 333

تاتارستان بيلىگى جاسوسپىرىمدەردى قورعانىس زاۋىتتارىندا جۇمىس ىستەۋگە تارتۋدى جوسپارلاپ وتىر، دەپ حابارلايدى Alash.KZ ۇلتتىق پورتالى.

تاتارستان ۇكىمەتى جاستاردى جۇمىسپەن قامتۋ بويىنشا جاڭا باعدارلاما دايىندادى.  بيلىك 14 جاستان باستاپ جاسوسپىرىمدەردى قورعانىس كەشەنى كاسىپورىندارىندا جۇمىسقا تارتۋدى جوسپارلاپ وتىر.

اتالمىش باعدارلاما سىبايلاس جەمقورلىققا قارسى ساراپتامادان وتەتىنى ايتىلدى. بيلىكتىڭ وكىلدەرى باعلارلارامىڭ ءتيىمدى تۇستارى كوپ ەكەندىگىنە الەۋمەتتى سەندىرىپ جاتىر. ماسەلەن، ولاردىڭ ايتۋىنشا، 14-18 جاس ارالىعىنداعى كامەلەتكە تولماعان ازاماتتاردى جۇمىسقا ورنالاستىرۋ رەتى جەڭىلدەپ، "الەۋمەتتىك ءقاۋىپتى جاعدايداعى وتباسىلاردان" شىققان جاسوسپىرىمدەر "دالادا قالمايدى".

باعدارلامادا "قورعانىس-ونەركاسىپ كەشەنى كاسىپورىندارىندا" "35 جاسقا دەيىنگى جاستاردى جۇمىسپەن قامتۋعا جاردەمدەسۋ" تۋرالى ارنايى تارماق بار. سونداي-اق اۋىل شارۋاشىلىعىندا "جۇمىسپەن قامتۋعا جاردەمدەسۋ" تۋرالى تارماق تا كوزگە ىلىگەدى.

رەسمي ستاتيستيكاعا سايكەس، تاتارستاندا 14 پەن 35 جاس ارالىعىندا ميلليوننان استام جاس بار. وڭىردە جۇمىس ىستەيتىن جاستار سانى جىل وتكەن سايىن ازايىپ كەلەدى. ولار 2021 جىلى 771 مىڭ ادامدى بولسا، 2022 جىلى 745 مىڭ ادامعا دەيىن قىسقارعان.

ەستەرىڭىزگە سالا كەتەيىك، 2023 جىلى تاتارستان مەملەكەتتىك كەڭەسى ەڭبەك كودەكسىنە تۇزەتۋلەر ەنگىزۋدى ۇسىنىپ، جاسوسپىرىمدەرگە 16 جاسىنان باستاپ زياندى جانە ءقاۋىپتى وندىرىستەردە جۇمىس ىستەۋگە رۇقسات بەرۋدى سۇراعان. تۇزەتۋلەردى قاراستىرۋ كەيىنگە قالدىرىلعان.

 

بۇل ماقالا تۋرالى نە ويلايسىز؟