اياعى اۋىر كەلىنشەك پەرزەنتحانادا وز-وزىنە قول جۇمسادى. جامبىل وبلىسى سارىسۋ اۋدانىنىڭ 33 جاسار تۇرعىنى ەكەنى انىقتالدى. بۇل تۋرالى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى مالىمدەدى.
باسقارما مالىمەتىنشە، وقيعا تاراز قالاسىنداعى جامبىل وبلىستىق پەريناتالدىق ورتالىعىندا 10 ءساۋىر كۇنى ورىن العان. اياعى اۋىر كەلىنشەك جۇكتىلىكتىڭ ون التىنشى اپتاسىندا بولعان.
«جۇكتى ايەل جالعان تولعاق دياگنوزىمەن وپس باقىلاۋىندا بولدى جانە ءتيىستى ەم الدى. جۇكتى جاعدايدا بولعان كەزدە پسيحولوگيالىق اۋىتقۋلار بايقالماعان. وقيعا ورنىنا جەدەل-تەرگەۋ توبى كەلدى. اتالعان فاكتىگە بايلانىستى قۇقىق قورعاۋ ورگاندارى 105-باپتىڭ 1-بولىگى، ياعني، ءوزىن-وزى ولتىرۋگە يتەرمەلەۋ بويىنشا سوتقا دەيىنگى تەرگەۋ امالدارىن باستادى، سوت-مەديسينالىق ساراپتاماسى جۇرگىزىلىپ جاتىر. اقپارات تەرگەۋ اياقتالعاننان كەيىن جاريالانادى»، – دەلىنگەن رەسمي اقپاراتتا.
ايتا كەتەيىك، مارقۇمنىڭ ارتىندا جولداسى جانە 3 بالاسى قالدى. بالالارىنىڭ ۇلكەنى 6 جاستا بولسا، ەكەۋى بالاباقشاعا بارادى.
