كاسىپكەر، InDrive تاسىمال سەرۆيسى (تاكسي) قىزمەتىنىڭ نەگىزىن قالاۋشى ارسەن تومسكيي قازاقستاندا جەمقورلىقپەن قالاي بەتپە-بەت كەلگەنىن ايتىپ بەردى، دەپ حابارلايدى alash.kz.
«ءموبيلدى تاكسي قىزمەتى جاعىنان جەتەكشى كومپانياعا اينالعاننان كەيىن بىزگە ءبىر ىقپالدى ادامدار شىعىپ، «ەگەر قازاقستاندا جۇمىس ىستەگىلەرىڭ كەلسە، وندا تابىستارىڭنىڭ 50 پايىزىن بىزگە بەرۋگە مىندەتتىسىڭدەر» دەدى. ءبىز ەشقاشان پارا بەرمەيمىز. ياكۋتياداعى تاۋەلسىز بۇقارالىق اقپارات قۇرالدارى 20 جىل بويى جەمقورلىققا قارسى كۇرەسىپ كەلەدى. تيىسىنشە، ءبىز ولارعا «50 تۇگىلى، تابىستىڭ 15، ءتىپتى 5 پايىزىن دا بەرمەيمىز، قۇرىپ كەتىڭدەر» دەپ جاۋاپ بەردىك»، – دەيدى ول nfactorialpodcast يۋتۋب ارناسىنا بەرگەن سۇحباتىندا.
وسى اڭگىمەدەن سوڭ بىرنەشە اپتادان كەيىن ءىnDrive كومپانياسىنىڭ ءىر-ى قازاقستاندا قارا تىزىمگە ەنگىزىلگەن.
«قازاقستاندا قىتايداعىداي بۇكىل ينتەرنەت ءبىر نۇكتەمەن وتەدى. ىزىنشە ءبىر كۇننىڭ ىشىندە ءبىز بارىنەن ايىرىلدىق. الايدا بۇل جاعداي ءبىزدى تەك قۋاتتاي ءتۇستى. ءىر-دى وزگەرتتىك. ازاماتتارعا VPN قىزمەتىن قالاي پايدالانۋعا بولاتىنىن ۇيرەتە باستادىق. ۇكىمەت دەڭگەيىندە سول ينتەرنەتتەر ناقتى استانانىڭ قاي جەرىندە بۇعاتتالاتىنىن ءبىلىپ الدىق تا، ولار ءبىزدىڭ ءىر-دى قارا تىزىمگە ەنگىزگەن كەزدە ءدال سول عيماراتتا ءبىزدىڭ سەرۆيس توقتاپ قالعانداي كورىنەتىن جاعداي جاسادىق. الايدا سول عيماراتتان تىس جەرلەردە جۇمىس ىستەپ تۇردى. وعان قوسا، ءبىز سوتقا، مونوپولياعا قارسى كوميتەتكە جۇگىندىك. وسىلايشا، ەكى ايدان كەيىن بۇعاتتاۋ قارقىنى تومەندەي باستادى. ءبىز جاقتان ولارعا «50 ەمەس، تىم بولماعاندا 25 پايىز بەرەيىك» دەپ ەشكىم بارعان دا جوق. وسى تەكەتىرەستەن وزدەرى دە شارشادى عوي دەيمىن»، – دەيدى تومسكيي.
كومپانيا ودان بولەك، اقپاراتتىق شۋ كوتەرگەن. اقىرى جارتى جىلدان كەيىن ءىnDrive جۇمىستىڭ ءبارىن قالپىنا كەلتىرىپ، ەكى جىلدان كەيىن ودان زاڭسىز بۇعاتتاۋدى مۇلدە الىپ تاستاعان.
ەسكە سالا كەتەيىك، جاقىندا رەسەيلىك كاسىپكەر ارسەن تومسكيي قازاقستان ازاماتتىعىن العانىن مالىمدەگەن ەدى.
ءاۋ باستا ياكۋتيادا نەگىزى قالانعان حالىقارالىق inDrive قىزمەتى قازاقستاندا 2014 جىلى ىسكە قوسىلعان. 2022 جىلى كومپانيا رەسەيدەگى جۇمىسىن توقتاتتى. بارلىق قىزمەتكەرلەر ءارتۇرلى ەلگە قونىس اۋداردى. ولاردىڭ كوپشىلىگى قازاقستانعا كوشتى. مۇندا inDrive ەڭ ۇلكەن حاب قۇرا الدى. بۇگىندە الماتى مەن استانادا مىڭناننان استام قىزمەتكەر جۇمىس ىستەيدى.
