ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ستۋدەنتتەر ەندى بىردەن ءۇش ديپلومنىڭ يەسى بولا الادى

25 ءساۋىر 2024 1362

ستۋدەنتتەر ەندى بىردەن ءۇش ديپلوم الا الادى. بۇل تۋرالى عىلىم جانە جوعارى ءبىلىم مينيسترلىگى مالىمدەدى. 

ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى، م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتى جانە شەنچجەندەگى ممۋ-پپي ۋنيۆەرسيتەتى بىرلەسكەن ءبىلىم بەرۋ باعدارلامالارىن ازىرلەۋگە نيەتتى. وقۋدى ءساتتى اياقتاعان ستۋدەنتتەرگە جوعارى ءبىلىم تۋرالى ءۇش ديپلوم بەرىلەتىن بولادى.

بۇل ءۇش ۋنيۆەرسيتەت اراسىنداعى عىلىمي جانە ءبىلىم سالاسىنداعى ىنتىماقتاستىق تۋرالى كەلىسىمنىڭ ارقاسىندا مۇمكىن بولماق. قۇجاتقا ماسكەۋدە وتكەن «ۋنيۆەرسيتەتتەر جانە بولاشاق» حالىقارالىق فورۋمى بارىسىندا ەۇۋ رەكتورى ەرلان سىدىقوۆ، ممۋ رەكتورى ۆيكتور سادوۆنيچيي، شەنچجەن قالاسىنداعى ممۋ-پپي رەكتورى لي حەچجان قول قويدى.

كەلىسىم شەڭبەرىندە تاراپتار بىرلەسكەن ءبىلىم بەرۋ باعدارلامالارىن ازىرلەيدى، وقىتۋدىڭ وزىق ادىستەرىن دامىتۋدا تاجىريبە الماسادى، سونداي-اق جەتەكشى زەرتتەۋلەر بويىنشا جاريالانىمدار مەن ماتەريالدار الماسىپ،  بىرلەسكەن عىلىمي جوبالار مەن باعدارلامالاردى جۇزەگە اسىرادى.

بۇل ماقالا تۋرالى نە ويلايسىز؟