ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"ابيۋزەرلىك قاسيەتى ارتا ءتۇستى". بيشىمبايەۆتىڭ بۇرىرنعى ايەلى تاعى ءبىر شىندىقتى ايتتى

22 ءساۋىر 2024 409

قۋاندىق بيشىمبايەۆتىڭ بۇرىنعى ايەلى نازىم قاھارمان الەۋمەتتىك جەلىدەگى پاراقشاسىندا ايىپتالۋشىعا قاتىستى وقىرماندارىنىڭ بىرنەشە سۇراعىنا جاۋاپ بەردى.

نازىم قاھارمان بۇرىنعى كۇيەۋىنىڭ تىيىم سالىنعان زاتتاردى قولدانعانىن كورمەگەنىن جازدى.

"مەن ونىڭ تىيىم سالىنعان زاتتاردى قولدانعانىن كورگەن ەمەسپىن"، - دەيدى.

سونىمەن قاتار، ول كۇيەۋى جاس كەزىندە دە ابيۋزەر بولعانىن ايتتى.

"سوڭعى 10 جىل ىشىندە ونىڭ ابيۋزەرلىك قاسيەتى ارتا ءتۇستى"، - دەدى ول.

ول بۇرىنعى كۇيەۋىنىڭ ادام ولتىرگەنىنە قاتتى تاڭعالىپ، شوك بولعانىن جاسىرمادى. 

"تاڭعالدىردى! ارينە، سوڭعى كەزدەرى ونىڭ مىنەز-قۇلقىنا قاراپ، الاڭدادىم. ىشتەي جامان ويلاپ، ءتىپتى قۇربىلارىما بۇل ءىسىنىڭ اياعى جامان بولاتىنىن ايتىپ ءجۇردىم. ءبىراق ول جاس ايەلىن ولتىرەدى دەگەندى مۇلدە ويلاماپپىن"، - دەدى ول. 

نازىم قاھارمان بالالارى اكەسىنىڭ ادام ءولتىردى دەگەن كۇدىككە ىلىنگەنىن بىلەتىنىن جەتكىزدى.

"مەن اجىراسۋ كەزىندە دە، ءقازىر دە بالالارمەن مۇمكىندىگىنشە ادال بولدىم. بۇل ولارعا ەركىندىك بەرەدى. ولار اناسى نەمەسە اكەسىن قۇتقارۋعا تىرىسپايدى، وتىرىككە قىزمەت ەتپەيدى، وزدەرىنە الاڭداۋشىلىق تۋعىزبايدى جانە وزدەرىن كىنالامايدى. ماعان وسىنداي ادام ولاردىڭ اكەسى بولعاندىقتان، ولارعا كۇش بەرىپ، مەيىرىمدى، تاۋەلسىز بولىپ ءوسۋى ءۇشىن بەرىلگەنىن بىلدىرەدى دەگەن ءسوز كوپ كومەكتەستى، ويتكەنى بىلتىر جازدا بالالار وزدەرى اكەسىمەن قارىم-قاتىناستى ازايتا باستادى جانە بۇل ولاردىڭ تاڭداۋى بولدى"، - دەدى ول.

وعان قوسا، ول ءوزىنىڭ قاۋىپسىزدىگى ءۇشىن الاڭدايتىنىن جاسىرمادى. 

"مەن ءوزىم دە الاڭدايمىن، قورقامىن. دەگەنمەن مەن ءوزىمدى دە، بالالارىمدى دا ەشكىمگە رەنجىتۋگە جول بەرمەيتىنىمدى بىلەمىن. مەن مۇنداي اشىقتىق ۇلكەن قورعانىس ەكەنىن ءتۇسىندىم"، - دەيدى نازىم قاھارمان. 

بۇل ماقالا تۋرالى نە ويلايسىز؟