ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سولتۇستىك كورەيا كورشىلەرىنە قاراي قوقىس بايلانعان 150 شار ۇشىرىپ، اسپاننان ءناجىس پەن كوڭ جاۋدىردى

29 مامىر 2024 895

سولتۇستىك كورەيا وڭتۇستىك كورەيا اسپانىنا 150-گە جۋىق شار ۇشىردى. ونىڭ بارلىعى ءناجىس جانە كۇل-قوقىسپەن تولتىرىلعاندىعى انىقتالدى، دەپ حابارلايدى Alash.KZ ۇلتتىق پورتالى. 

وڭتۇستىك كورەيا اسپانىنا جەتكەن شارلاردىڭ كەيبىرى قوندى، ال كەيبىرى ءالى دە اۋادا قالقىپ ءجۇر. شارلارمەن تاسىمالدانعان زاتتاردىڭ بارلىعى قوقىس پەن ءناجىس،پلاستيك ىدىستار، ۇلتاراق ەكەنى راستالدى.

"ءبىز سولتۇستىك كورەياعا ادامگەرشىلىككە جاتپايتىن جانە دورەكى ارەكەتتەرىن دەرەۋ توقتاتۋدى قاتاڭ ەسكەرتەمىز"، - دەدى وڭتۇستىك كورەيانىڭ بىرىككەن شتاب باستىقتارى كوميتەتى.

بۇل شارلاردى جيناۋ مەن تالداۋ جۇمىستارىن جۇرگىزۋگە وڭتۇستىك كورەيا اسكەريلەرىنىڭ بيوحيميالىق شابۋىلداردىڭ الدىن الۋ جونىندەگى "CRRT" دەپارتامەنتى مەن جارىلعىش وق-دارىلەردىڭ الدىن الۋ جونىندەگى "EOD" دەپارتامەنتى بولىمشەلەردىڭ جەكە قۇرامى جۇمىلدىرىلدى.

وڭتۇستىك كورەيا سولتۇستىك كورەيانى حالىقارالىق قۇقىقتى بۇزدى جانە وڭتۇستىك كورەيا ازاماتتارىنىڭ قاۋىپسىزدىگىنە ەلەۋلى قاتەر ءتوندىردى دەپ ايىپتاپ جاتىر.

وڭتۇستىك كورەيا اسكەريلەرى قازىرگى جاعدايدى شەشۋ ءۇشىن بىرىككەن ۇلتتار ۇيىمىنىڭ قولباسشىلىعىمەن بىرلەسىپ جۇمىس اتقاراتىنىن مالىمدەدى جانە ازاماتتارعا سولتۇستىك كورەيانىڭ اۋە شارلارىن بايقاعان جاعدايدا دەرەۋ پوليسياعا حابارلاسۋ كەرەكتىگىن ەسكەرتتى.

26 مامىردا كحدر قورعانىس ءمينيسترىنىڭ ورىنباسارى كيم گۆان ير رەسپۋبليكا اۋماعىندا وڭتۇستىك كورەيا تاراتقان ۇگىت ماتەريالدارىنىڭ بايقالعانىن حابارلادى. 

Yonhap جىلدار بويى سولتۇستىك كورەيادان وڭتۇستىككە قاشقان ادامدار كيم چەن ىندى سىناعان پاراقشالارى بار اۋە شارلارىن كحدر-عا قاراي ۇشىرعانىن اتاپ ءوتتى.

سەيسەنبى، 28 مامىردا سەۋل كحدر-دان ۇشىرىلعان اۋە شارلارىنىڭ ىشىندە ۇگىت-ناسيحات پاراقشالارى بار دەپ بولجادى. ءبىراق كەيىنىرەك بۇل قوقىس ەكەنى انىقتالدى.

ەسكە سالا كەتەيىك، سولتۇستىك كورەيا 2016 جىلى دا وڭتۇستىك كورەياعا قوقىس ارتقان شارلار جىبەرگەن.

بۇل ماقالا تۋرالى نە ويلايسىز؟